ថ្ងៃព្រហស្បតិ៍ ទី១៧ ខែតុលា ឆ្នាំ២០១៩
ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32
ឯកឧត្តម រដ្នមន្ត្រី វេង សាខុន បានជម្រាបជូនអង្គប្រជុំថាចក្ខុវិស័យ និងទិសដៅអភិវឌ្ឍន៍វិស័យកសិកម្ មគឺត្រូវប្រែក្លាយ កសិកម្មឲ្យទៅជាកសិកម្មទំនើបមាន លក្ខណៈប្រកួតប្រជែងបរិប័ន្ន លើកស្ទួយកំណើនប្រាក់ចំណូលគ្រួសារកសិករ
Thu,03 October 2019 (Time 12:05 PM)
ដោយ ៖ ដើម្បីប្រជាជន


នៅទីស្តីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃព្រហស្បតិ៍ ០៥កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៣ ខែតុលា ឆ្នាំ២០១៩ បានរៀបចំកិច្ចប្រជុំផ្តើមបេសកកម្មរបស់មូលនិធិអន្តរជាតិសម្រាប់អភិវឌ្ឍន៍វិស័យកសិកម្ម (IFAD) និងទិសដៅអនុវត្តបន្តក្នុងក្របខណ្ឌគម្រោងកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) គម្រោងជំរុញទីផ្សារសម្រាប់កសិកម្មខ្នាតតូច (AIMS) និងគម្រោងការកសាងសមត្ថភាពបន្ស៊ាំតាមរយៈការ ពង្រីកបច្ចេកវិទ្យាថាមពលកកើតឡើងវិញនៅតំបន់ជនបទក្នុងប្រទេសកម្ពុជា (S-RET) ។

ក្រោមអធិបតីភាពឯកឧត្តមរដ្ឋមន្រ្តី វេង សាខុន និងមានការចូលរួមពីឯកឧត្តមអញ្ជើញមកពីក្រសួងពាក់ព័ន្ធ លោកបណ្ឌិត Kaushik Barua ប្រធានក្រុមបេសកកម្មអង្គការ IFAD ឯកឧត្តម លោកជំទាវ ភ្ញៀវកិត្តិយសជាតិ-អន្តរជាតិ យ៉ាងច្រើនកុះករ។

ជាបឋម ឯកឧត្តមបណ្ឌិត មាស ពិសិដ្ឋ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដែលជានាយកគម្រោង ASPIRE និងគម្រោង S-RET បានធ្វើថ្លែងមតិស្វាគមន៍ និងរាយការណ៍ដោយសង្ខេបជូនអង្គប្រជុំបានជ្រាបអំពីវឌ្ឍនភាពរបស់គម្រោង សមិទ្ធផលសម្រេចបាន បញ្ហាប្រឈម និងលទ្ធផលរំពឹងទុកបន្ទាប់ពីគម្រោងបញ្ចប់។

បន្ទាប់មក លោកបណ្ឌិត Kaushik Barua ប្រធានក្រុមបេសកកម្មអង្គការ IFAD ក៏បានធ្វើចំណាប់អារម្មណ៍ពោរពេញដោយអត្ថន័យ និងខ្លឹមសារលើសមិទ្ធផលដែលគម្រោងសម្រេចបានក្នុងរយៈពេលកន្លងមក ហើយបានវាយតម្លៃខ្ពស់លើការខិតខំប្រឹងប្រែង កិច្ចសហការយ៉ាងពេញលេញពីគ្រប់ភាគីពាក់ព័ន្ធ និងជាពិសេសក្រសួងកសិកម្ម រុក្ខប្រមាញ់ និងនេសាទតែម្តង។


លោកសង្ឃឹម និងជឿជាក់ថាតាមរយៈគម្រោងនេះ ប្រជាកសិករ សហគមន៍កសិកម្ម ប្រជានេសាទ សហគមន៍ព្រៃឈើ នឹងទទួលបានផលជាអតិបរិមាពីគម្រោងហើយធ្វើឲ្យមានការកែប្រែកម្រិតជីវភាព ស្ថិរភាពសេដ្ឋកិច្ចគ្រួសារ កាត់បន្ថយភាពក្រីក្រ និងចំណាកស្រុក។ ទន្ទឹមនឹងនេះ ដៃគូអភិវឌ្ឍន៍ វិស័យឯកជន ជាពិសេសនាយកគម្រោង និងមន្រ្តីគម្រោងនឹងទទួលបាននូវចំណេះដឹង និងបទពិសោធន៍ល្អៗទាក់ទងនឹងការដឹកនាំ ការគ្រប់គ្រង ការពិនិត្យ និងវាយតម្លៃលើការអនុវត្តគម្រោងផងដែរ។



ឆ្លៀតយកឱកាសនេះ ក្នុងនាមក្រសួង ឯកឧត្តមរដ្ឋមន្រ្តីបានថ្លែងអំណរគុណចំពោះអង្គការ IFAD ដែលបានជួយឧបត្ថម្ភគាំទ្រ ដល់ការអភិវឌ្ឍន៍វិស័យកសិកម្មកម្ពុជាចាប់តាំងពីឆ្នាំ១៩៩៦ រហូតមកទល់បច្ចុប្បន្នតាមរយៈការផ្តល់នូវជំនួយហិរញ្ញប្បទានសម្រាប់អនុវត្តគម្រោងជាច្រើនក្នុងបំណងលើកកម្ពស់កម្រិតជីវភាពរបស់ប្រជាជនក្រីក្រនៅជនបទ ជាពិសេសកសិករដែលមានដីតិច តាមរយៈការបង្កើនផលិតភាពកសិកម្ម ការជំរុញការអនុវត្តកសិកម្មចម្រុះដោយប្រើប្រាស់បច្ចេកទេសទំនើបឆ្លើយ តបទៅនឹងការប្រែប្រួលអាកាសធាតុ ព្រមទាំងការផ្តល់សេវាកម្មហិរញ្ញវត្ថុ ការកសាងហេដ្ឋារចនាសម្ព័ន្ធជនបទ ការកសាងសមត្ថភាពរបស់មន្រ្តីអនុវត្តគម្រោងក៏ដូចជាការអភិវឌ្ឍសមត្ថភាពរបស់ប្រជាកសិករ និងសហគមន៍ (កសិកម្ម នេសាទ និងព្រៃឈើ) ដែលនៅដាច់ស្រយាល ដោយឈរលើសុឆន្ទៈ និងឧត្តមគតិគិតគូរដល់ប្រយោជន៍ជាតិ និងប្រជាជនជាធំ។ ទន្ទឹមនឹងនេះ លោកបានវាយតម្លៃខ្ពស់ចំពោះរបាយការណ៍របស់ឯកឧត្តមនាយកគម្រោង ASPIRE និង S-RET និងទស្សនវិស័យដ៏មានអត្ថន័យរបស់លោកបណ្ឌិត Kaushik Barua ប្រធានក្រុមបេសកកម្មតំណាងមូលនិធិ IFAD។


ព្រមជាមួយគ្នានេះដែរ ឯកឧត្តមរដ្ឋមន្រ្តីបានកោតសរសើរ និងវាយតម្លៃជាវិជ្ជមានចំពោះភាគីពាក់ព័ន្ធទាំងអស់ ដៃគូអភិវឌ្ឍន៍ និងវិស័យឯកជនដែលរួមចំណែកលើកកម្ពស់ និងផ្តល់កិច្ចសហការប្រកបដោយផ្លែផ្កាធ្វើឲ្យគម្រោងសម្រេចទទួលបានលទ្ធផលគួរជាទីមោទនៈ ហើយលោលស្នើសុំឲ្យគ្រប់តួអង្គមេត្តាពង្រឹង និងពង្រីកវប្បធម៍នេះកាន់តែល្អប្រសើរថែមទៀតដើម្បីរួមគ្នាបម្រើ និងការពារនូវឧត្តមប្រយោជន៍ជាតិឱ្យកាន់តែមានសកម្មភាពខ្លាំងក្លា រស់រវើក និងប្រទាក់ក្រឡាគ្នាក្នុងការអភិវឌ្ឍសង្គម-សេដ្ឋកិច្ចជាតិ និងនិយាយដោយឡែកសម្រាប់វិស័យកសិកម្មឲ្យមានការរីកចម្រើនតាមរយៈការទាញយកប្រយោជន៍ពីមូលនិធិ IFAD មកប្រើប្រកបដោយតម្លាភាព ឆ្លើយតបទៅនឹងតម្រូវការពិតប្រាកដរបស់ប្រជាជន ក្នុងបរិបទបច្ចុប្បន្ននេះ។


ក្នុងនាមថ្នាក់ដឹកនាំក្រសួង ឯកឧត្តមរដ្ឋមន្រ្តី បានជម្រាបជូនអង្គប្រជុំថាចក្ខុវិស័យ និងទិសដៅអភិវឌ្ឍន៍វិស័យកសិកម្មគឺត្រូវប្រែក្លាយ “កសិកម្មឲ្យទៅជាកសិកម្មទំនើប មានលក្ខណៈប្រកួតប្រជែង បរិយាប័ន្ន ធន់នឹងការប្រែប្រួលអាកាសធាតុ និងនិរន្តរភាពឈានទៅលើកស្ទួយកំណើនប្រាក់ចំណូលគ្រួសារកសិករ" ស្របតាមក្របខណ្ឌកំណែទម្រង់ស៊ីជម្រៅដើម្បីរួមចំណែកកសាង និងអភិវឌ្ឍន៍កម្ពុជាឲ្យសម្រេចបាននូវគោលដៅរបស់ខ្លួនគឺប្រែក្លាយកម្ពុជាទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងកម្រិតខ្ពស់នៅឆ្នាំ២០៥០ ដែលយន្តការ ឬយុទ្ធសាស្រ្តសម្រាប់ធ្វើការអភិវឌ្ឍន៍រួមមាន៖


១. ជំរុញកំណើនផលិតកម្មកសិកម្មតាមរយៈការធ្វើពិពិធកម្មដែលមានសក្តានុពល និងបង្កើនការនាំចេញ ដោយពង្រឹង និងពង្រីកការធ្វើទំនើបកម្មកសិកម្ម ដើម្បីបង្កើនផលិតភាព និងការប្រកួតប្រជែង ដោយអនុវត្តបច្ចេកទេសកសិកម្មឆ្លាតវៃ និងការបន្ស៉ាំទៅនឹងបម្រែបម្រួលអាកាសធាតុ។២. ជំរុញកំណើនផលិតកម្មសត្វឲ្យកើន ៣%/ឆ្នាំ និងបង្កើនការចិញ្ចឹមជាលក្ខណៈពាណិជ្ជកម្មឲ្យកើនដល់ ២២% ព្រមទាំងជំរុញការចិញ្ចឹមគោពូជល្អៗឲ្យបានប្រមាណ ៣០% នៅឆ្នាំ២០២៣។

៣. បង្កើនការគ្រប់គ្រងធនធានជលផលឲ្យមានប្រសិទ្ធភាពនិងនិរន្តរភាព ដោយពង្រឹងការអនុវត្តច្បាប់ស្តីពីជលផល រក្សា ស្ថិរភាពនៃផលចាប់ពីធម្មជាតិក្នុងរង្វង់៦០០ពាន់តោន/ឆ្នាំ បង្កើនផលវារីវប្បកម្ម២០%/ឆ្នាំ។


៤. បន្តគ្រប់គ្រងធនធានព្រៃឈើនិងសត្វព្រៃប្រកបដោយចីរភាព ចូលរួមជំរុញការថែរក្សាគម្របព្រៃឈើឲ្យបានល្អប្រសើរ ព្រមទាំងបង្កើនចំណូលរបស់សហគមន៍ព្រៃឈើឲ្យកើន២០%/ឆ្នាំ តាមរយៈការធ្វើពិពិធកម្មកសិកម្ម និងជំរុញការស្តារព្រៃឈើឡើងវិញ ព្រមទាំងបន្តអនុវត្តនូវវិធានការចាំបាច់នានា ដើម្បីចូលរួមចំណែកធ្វើឲ្យប្រព័ន្ធអេកូឡូស៊ីមានចីរភាព។

ព្រមជាមួយនេះ ឯកឧត្តមរដ្ឋមន្រ្តីក៏បានរំលេចពីបញ្ហាប្រឈមមួយចំនួនផងដែរ ដែលជាឧបសគ្គរាំងស្ទះដល់ការអភិវឌ្ឍន៍ វិស័យកសិកម្មទាំងក្នុងពេលបច្ចុប្បន្ន ក៏ដូចជាពេលអនាគត។ ដូច្នេះ ឆ្លៀតយកឱកាសនេះ លោកបានស្នើឲ្យគ្រប់តួអង្គពាក់ព័ន្ធត្រូវរួមគ្នាដោះស្រាយបញ្ហាទាំងនោះឲ្យមានលក្ខណៈប្រទាក់ក្រឡាគ្នាជាអន្តរវិស័យ ប្រកបដោយប្រសិទ្ធភាព រួមទាំង វិស័យឯកជនដែលជាកម្លាំងចលករនៃកំណើនសេដ្ឋកិច្ច សមស្របតាមអភិក្រម “រដ្ឋ-ឯកជន-ដៃគូអភិវឌ្ឍន៍ និងសហគមន៍”។


លោកក៏បានណែនាំឲ្យអង្គភាពអនុវត្តគម្រោងត្រូវធ្វើបច្ចុប្បន្នភាពគោលដៅ គោលបំណង សកម្មភាព ជាពិសេសសហការជាមួយដៃគូអភិវឌ្ឍន៍ផ្សេងទៀតដែលកំពុងអនុវត្តគម្រោងលើវិស័យកសិកម្មដើម្បីបំពេញបន្ថែមនូវចំណុចខ្វះខាត កែសម្រួលលើចំណុចខ្សោយ ឈានទៅសម្រេចបានគោលដៅចំបងគឺអភិវឌ្ឍវិស័យកសិកម្មប្រកបដោយចីរភាព និងនិរន្តរភាព
ស្របនឹងការវិវត្តនៃបច្ចេកវិទ្យា និងស្ថានភាពសេដ្ឋកិច្ចថ្មីៗក្នុងបរិបទនៃសាកលភាវូបនីយកម្ម។


ដោយឡែក ស្នើក្រុមបេសកកម្មយោគយល់ ជួយតម្រង់ទិស និងផ្តល់អនុសាសន៍សម្រាប់ក្រុមអនុវត្តគម្រោងយកទៅអនុវត្តបន្តឲ្យទទួលបានជោគជ័យ ដើម្បីផ្តល់ប្រយោជន៍សម្រាប់ជាតិ និងប្រជាជន។ ឯកឧត្តមរដ្ឋមន្រ្តីបានបញ្ជាក់បន្ថែមថា មូលនិធិ IFAD គឺគាំទ្រគម្រោង ASPIRE គម្រោង AIMS និង គម្រោង S-RET ពិតជាបានរួមចំណែកយ៉ាងសំខាន់ក្នុងការដោះស្រាយបញ្ហាប្រឈមដូចបានរៀបរាប់ខាងលើ។


ហេតុផលនេះ លោកមានសង្ឃឹម និងជំនឿជាក់ថា របកគំហើញដែលនឹងទទួលបានពីការចុះវាយតម្លៃរបស់បេសកជន IFAD នាពេលនេះ គឺជាយន្តការមួយនៃការរួមចំណែកអនុវត្តគោលនយោបាយ និងយុទ្ធសាស្រ្តរបស់រាជរដ្ឋាភិបាលក្នុងការលើកកម្ពស់ផលិតភាព ពិពិធភាវូបនីយកម្ម និងពាណិជ្ជូបនីយកម្មកសិកម្មឆ្លើយតបទៅនឹងសេចក្តីត្រូវការរបស់ប្រជាកសិករ និងធុរជនក្នុងវិស័យកសិកម្ម។

ឯកឧត្តម ឧបនាយករដ្នមន្ត្រី កែ គឹម យ៉ាន អញ្ចើញជាអធិបតីភាព សំណេះសំណាលជាមួយប្រជាពលរដ្នរងគ្រោះដោយសារទឹកជំនន់ នៅខេត្តបន្ទាយមានជ័យ

ឯកឧត្តម វេង សាខុន រដ្នមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបពិភាក្សាការងារជាមួយ Mr. Arnaud Darc ប្រធានសភាពាណិជ្ជកម្មអ៊ឺរ៉ុប ប្រចាំព្រះរាជាណាចក្រកម្ពជា

ឯកឧត្តម ស សុខា ចេញសេចក្ដីបដិសេធ និងថ្កោលទោស ព្រមទាំងស្នើសុំឲ្យអាជ្ជាធរមានសមត្ថកិច្ច មេត្តាចាត់ វិធានការតាមផ្លូវច្បាប់ចំពោះជនដែលបាន យកឈ្មោះឯកឧត្តម ស សុខា ទៅពាក់ព័ន្ធនឹងល្បែងភ្នាល់ល្មើសច្បាប់តាមអនឡាញ

សម្ដេចព្រះមហាអរិយវង្សបណ្ឌិត សៅរ៍ ចន្ទថុល្ល ព្រះចៅអធិការវត្តលង្កាកុសុមារាម បានឧបត្ថមនូវកុំព្យូទ័រ ចំនួន១២គ្រឿងជូនផ្នែកពុទ្ធិកមធ្យម សិក្សា នៃអគ្គធិការដ្នានពុទ្ធិកសិក្សាជាតិ

ឯកឧត្តម វេង សាខុន រដ្នមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបពិភាក្សាការងារ ជាមួយឯកឧត្តម Kanji KATO អនុរដ្នមន្ត្រីក្រសួងកសិកម្មរុក្ខាប្រមាញ់និងនេសាទជប៉ុន នៅទីស្ដីការក្រសួង

លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស អញ្ចើញជាអធិបតីភាពក្នុងពិធី បិទវត្តបំប៉នបើកបរ រថពាសដែក ប្រើប្រាស់គ្រឿងសព្វាវុធ និងបាញ់គ្រាប់ពិតរថពាសដែក ជំនាន់ទី២ នៅមជ្ឍមណ្ឌលហ្វឹកហ្វឺនកងរាជអា វុធហត្ថភ្នំជំរាយ

សម្ដេចអគ្គមហាសេនាបតីតេជោ ហ៊ុន សែន អញ្ចើញជាអធិបតីភាពដ៏ខ្ពង់ខ្ពស់ ក្នុងពិធីសំណេះសំណាលនិងផ្ដល់រង្វាន់ លើកទឹកចិត្តដល់សិស្សនិទ្ទេសA ចំនួន៤៤៣នាក់ នៅវិមានសន្តិភាព

លោកជំទាវ កិត្តសង្គហបណ្ឌិត ម៉ែន សំអន អញ្ចើញជាអធិបតីភាពដ៏ខ្ពង់ខ្ពស់ ក្នុងពិធីសម្ភោគដាក់ឲ្យប្រើប្រាស់ផ្លូវបេតុង ចូលទៅរមណីយដ្នានប្រាសាទព្រៃបាក់ នៅស្រុកស្វាយជ្រំ ខេត្តស្វាយរៀង

លោកជំទាវ ម៉ាណ ណាវី សមាជិក រដ្នសភា អញ្ចើញចុះជួបសំណេះសំណាលនិងពិសារនំបញ្ចុកសាមគ្គីជាមួយប្រជាពលរដ្ន នៅក្នុងស្រុកបារាយណ៍ ខេត្តកំពង់ធំ

ឯកឧត្តម រដ្នមន្ត្រី វេង សាខុន ប្រធានក្រុមការងារថ្នាក់ជាតិចុះជួយ មូលដ្នានស្រុកជើងព្រៃ អញ្ចើញជាអធិបតី ភាពបើកវេទិកាសាធារណៈ ជាមួយប្រជាពលរដ្ន ប្រមាណ៤០០នាក់ នៅក្នុងឃុំផ្ដៅជុំ ស្រុកជើងព្រៃ ខេត្តកំពង់ចាម

ឯកឧត្តម រដ្នមន្ត្រី វេង សាខុន បានអនុញាតឲ្យMr Ung Kim នាយកគ្រប់គ្រងទូទៅនៃក្រុមហ៊ុន CamMJ Agricultural Park Co Ltd ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួង

ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានអញ្ចើញបំពាក់មេដាយសហមេត្រីថ្នាក់សេនាជូនលោក JOHN D. WILSON និងលោកSEANL.YAN

ឯកឧត្តម វេង សាខុន រដ្នមន្ត្រីក្រសួងកសិកម្ម រុក្ខាប្រមាញ់ និងនេសាទ ទទួលជួបពិភាក្សាការងារជាមួយលោកស្រី ចំរើន មុទិតា នាយកគម្រោង LASEDII របស់ធនាគារពិភពលោក WB ប្រចាំកម្ពុជា នៅទីស្ដីការក្រសួង

ឯកឧត្តម ហ៊ុន ណេង ប្រធានគណៈកម្មាធិការមហាផ្ទៃ ការពារជាតិ និងមុខងារសាធារណៈនៃរដ្នសភា អញ្ចើញចូលរួមសម័យប្រជុំរដ្នសភា លើកទី៣ នីតិកាលទី៦ នៅវិមានរដ្នសភា

ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ចើញចុះសួរសុខទុក្ខលោក ឧត្តមសេនីយ៍ទោ ជួន ណារិន្ទ ដែលកំពុងសម្រាកព្យាបាលជំងឺ នៅមន្ទីរពេទ្យកាល់ម៉ែត្រ

លោកជំទាវ ម៉ាណ ណាវី សមាជិក រដ្នសភា អញ្ចើញចូលរួមក្នុងសម័យប្រជុំ រដ្នសភាលើកទី៣ នីតិកាលទី៦ នៅវិមាន រដ្នសភា

ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស អញ្ចើញជាអធិបតីភាពដឹកនាំកិច្ចប្រជុំត្រួតពិនិត្យ ការអនុវត្តតួនាទីភារកិច្ចនិងការងារ កងរាជអាវុធហត្ថ៩ខែ និងផ្សព្វផ្សាយទិសដៅត្រីមាសទី៤ ឆ្នាំ២០១៩

ឯកឧត្តម សួស គង់ រដ្នលេខាធិការប្រចាំការ ក្រសួងអភិវឌ្ឍន៍ជនបទ អញ្ចើញជាអធិបតីដឹកនាំកិច្ចប្រជុំដើម្បីត្រួតពិនិត្យ វឌ្ឍនភាពនៃការអនុវត្តគម្រោងកែលម្អ ផ្លូវជនបទជំហានទី២ នៅទីស្ដីការក្រសួង

សម្ដេចអគ្គមហាពញាចក្រី ហេង សំរិន ប្រធានរដ្នសភា បានអនុញាតឲ្យឯកឧត្តម សាអ៊ួត អាល់ សូវ៉េលីម ឯកអគ្គរដ្នទូត អារ៉ាប៊ី សាអូឌីត ប្រចាំនៅកម្ពុជា ចូលជួបសម្ដែងការគួរសមនិងពិភាក្សាការងារ នៅវិមានរដ្នសភា

ឯកឧត្តម រដ្នមន្ត្រី វេង សាខុន បានជម្រាបជូនអង្គប្រជុំថាចក្ខុវិស័យ និងទិសដៅអភិវឌ្ឍន៍វិស័យកសិកម្ មគឺត្រូវប្រែក្លាយ កសិកម្មឲ្យទៅជាកសិកម្មទំនើបមាន លក្ខណៈប្រកួតប្រជែងបរិប័ន្ន លើកស្ទួយកំណើនប្រាក់ចំណូលគ្រួសារកសិករ

វីដែអូ

ចំនួនអ្នកទស្សនា

ថ្ងៃនេះ :
141 នាក់
ម្សិលមិញ :
1221 នាក់
សប្តាហ៍នេះ :
8092 នាក់
សរុប :
1461392 នាក់