ឯកឧត្តម លូ គឹមឈន់ ប្រធានក្រុមការងារ ថ្នាក់កណ្ដាលចុះជួយស្រុកស្រីសន្ធរ បានអញ្ចើញជាអធិបតី ក្នុងពិធីសំណេះសំណាល ជាមួយ សិស្សប្រឡងជាប់ បញ្ញាបត្រមធ្យមសិក្សា ទុតិយភូមិឆ្នាំ២០២៣ នៅស្រុកស្រីសន្ធរ
ឯកឧត្តម លូ គឹមឈន់ ប្រធានក្រុមការងារថ្នាក់កណ្ដាលចុះជួយស្រុកស្រីសន្ធរ បានអញ្ចើញជាអធិបតីក្នុងពិធីសំណេះសំណាលជាមួយសិស្សប្រឡងជាប់បញ្ញាបត្រមធ្យមសិក្សាទុតិយភូមិឆ្នាំ២០២៣ នៅស្រុកស្រីសន្ធរ
==================
នៅព្រឹកថ្ងៃសៅរ៍ ៤កើត ខែមិគសិរ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងថ្ងៃទី១៦ ខែធ្នូ ឆ្នាំ២០២៣ ឯកឧត្តម លូ គឹមឈន់ ប្រធានក្រុមការងារថ្នាក់កណ្ដាលចុះជួយស្រុកស្រីសន្ធរ ខេត្តកំពង់ចាម បានអញ្ចើញជាអធិបតីក្នុងពិធីសំណេះសំណាលជាមួយសិស្សប្រឡងជាប់បញ្ញាបត្រមធ្យមសិក្សាទុតិយភូមិឆ្នាំ២០២៣ ។ ដោយមានការអញ្ចើញចូលរួមពីឯកឧត្តម ឈួន វិន ប្រធានជនបង្គោលយុវជន ឯកឧត្តម-លោកប្រធានក្រុមការងារចុះជួយតាមបណ្ដាឃុំ, លោកអភិបាលស្រុក, លោក-លោកស្រីគណៈអភិបាលស្រុក, អង្គភាពជុំវិញស្រុក-ឃុំ, លោកនាយក, លោកនាយករង, លោកគ្រូ អ្នកគ្រូ, មាតាបិតាសិស្ស និងសិក្សានុសិស្សជាច្រើនរូបទៀត។
នាឱកាសនោះដែរ ឯកឧត្តម លូ គឹមឈន់ បានជូនរង្វាន់ដល់ប្អូនៗដែលជាសិស្សានុសិស្សប្រលងជាប់បាននិទ្ទេ A,B,C,D,E លោកគ្រូ អ្នកគ្រូបង្រៀនថ្នាក់ទី ១២ ដូចខាងក្រោម៖
1. សិស្សនិទេស A ចំនួន ១២ នាក់ ទទួលបានម៉ូតូ១គ្រឿងក្នុងម្នាក់ៗ និងព្រះអនុគុណឧបត្ថមក្នុងម្នាក់ៗ១០០$
2. សិស្សពូកែរូបវិទ្យាលេខ៧ទូទាំងប្រទេសថ្នាក់ទី១២ ចំនួនម្នាក់ ទទួលបានថវិកា ១លានរៀល
3. សិស្សនិទ្ទេស B ចំនួន ៤៥ នាក់ ទទួលបានម្នាក់ៗ២០ម៉ឺនរៀល
4. សិស្សនិទ្ទេស C ចំនួន ៨៧ នាក់ ទទួលបានម្នាក់ៗ១០ម៉ឺនរៀល
5. សិស្សនិទ្ទេស D ចំនួន ១៩៤ នាក់ ទទួលបានម្នាក់ៗ៥ម៉ឺនរៀល
6. សិស្សនិទ្ទេស E ចំនួន ១៨០ នាក់ ទទួលបានម្នាក់ៗ៥ម៉ឺនរៀល
7. លោកគ្រូ អ្នកគ្រូ ចំនួន១០២ នាក់ ទទួលបានម្នាក់ៗ១០ម៉ឺនរៀល
8. នាយកវិទ្យាល័យ ទាំង៦ ក្នុងស្រុក ទទួលបានម្នាក់ៗ១០ម៉ឺនរៀល។
