ថ្ងៃទី០៥ ខែមេសា ឆ្នាំ២០៥០
ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32
កុមារកំព្រា ចាស់ឥតទីពឹង និងគ្រួសារអ្នកផ្ទុក មេរោគអេដស៍ចំនួន ៣២៨នាក់ នៅអង្គការសង្គ្រោះជនអស់សង្ឃឹម ទទួលបានការ ឧបត្ថម្ភជាស្បៀងអាហារ ថវិកា និងអាហារដ៏ឈ្ងុយឆ្ងាញ់ ជាលើកទី១០ ពី កាកបាទក្រហមកម្ពុជា
Tue,02 April 2024 (Time 01:37 PM)
ដោយ ៖ ដើម្បីប្រជាជន


កុមារកំព្រា ចាស់ឥតទីពឹង និងគ្រួសារអ្នកផ្ទុកមេរោគអេដស៍ចំនួន ៣២៨នាក់ នៅអង្គការសង្គ្រោះជនអស់សង្ឃឹម ទទួលបានការឧបត្ថម្ភជាស្បៀងអាហារ ថវិកា និងអាហារដ៏ឈ្ងុយឆ្ងាញ់ជាលើកទី១០ ពី កាកបាទក្រហមកម្ពុជា ...!!

ទារកនិងកុមារ ចាំបាច់ណាស់ត្រូវទទួលបានការថែទាំ បីបាច់រក្សា ផ្ដល់ភាពកក់ក្ដៅ តែអកុសល ទារក និងកុមារមួយចំនួនតូច បែរជាកើតមកភ្លាមត្រូវម្ដាយឪពុកយកទៅបោះបង់ចោល មិនទទួលបានសូម្បីតែការអាណិតស្រឡាញ់ និងសុខទុក្ខ រស់ឬក៏ស្លាប់។ ជាក់ស្ដែងទារក និងកុមារជាច្រើននាក់ ដែលរស់នៅអង្គការសង្គ្រោះជនអស់សង្ឃឹម សុទ្ធសឹងតែជាក្មេងត្រូវឪពុកម្ដាយបោះបង់ចោល ខ្លះត្រូវម្ដាយយកទៅចោលនៅធុងសំរាម ខ្លះត្រូវគ្រួសារបោះបង់ចោលព្រោះគ្មានលទ្ធភាពចិញ្ចឹម ហើយខ្លះទៀតឪពុកម្ដាយស្លាប់ចោល ទាំងខ្លួនមិនទាន់បាត់ក្លិនទឹកដោះផង។

ក្នុងនាមជាជំនួយការឱ្យអាជ្ញាធរសាធារណៈក្នុងវិស័យមនុស្សធម៌ កាកបាទក្រហមកម្ពុជា ដែលមានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានផ្តល់អាទិភាពក្នុងការកំណត់យកអង្គការសង្គ្រោះជនអស់សង្ឃឹម គឺជាគោលដៅដើម្បីជួយសម្រាលការលំបាក។ ចាប់តាំងពីឆ្នាំ២០១៣រៀងមក សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានសម្រេចផ្តល់ថវិកាឧបត្ថម្ភគាំទ្រដល់អង្គការនេះ ចំនួន ២០លានរៀលជារៀងរាល់ឆ្នាំ និងបានចាត់ឱ្យមន្ត្រីចុះសួរសុខទុក្ខដោយផ្ទាល់ និងរៀបចំអាហារដ៏ឈ្ងុយឆ្ងាញ់ជារៀលរាល់ឆ្នាំផងដែរ។

ជាក់ស្តែងនៅថ្ងៃចន្ទ ទី១ ខែមេសា ឆ្នាំ២០២៤នេះ សម្តេចកិត្តិព្រឹទ្ធបណ្ឌិតប្រធាន បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ និងសហការី ចុះសួរសុខទុក្ខ នាំយកអំណោយមនុស្សធម៌ និងរៀបចំអាហារជាលើកទី១០ ជូនដល់កុមារកំព្រា ចាស់ឥតទីពឹង និងគ្រួសារអ្នកផ្ទុកមេរោគអេដស៍ចំនួន ៣២៨នាក់ ដែលកំពុងរស់នៅអង្គការសង្គ្រោះជនអស់សង្ឃឹម ស្ថិតនៅភូមិលិចវត្ត សង្កាត់កំបូល ខណ្ឌកំបូល រាជធានីភ្នំពេញ។

តាមការបញ្ជាក់របស់លោកស្រី ម៉ារី អិន ទីប្រឹក្សាអង្គការសង្គ្រោះជនអស់សង្ឃឹម បានឱ្យដឹងថា «ក្មេងៗដែលមកស្នាក់នៅទីនេះ ខ្លះជាកុមារតូច ខ្លះទៀតជាទារកទើបនឹងកើត សុទ្ធតែមានប្រវត្តិដ៏កម្សត់ ក៏ប៉ុន្តែជីវិតរបស់ពួកគេគឺសុទ្ធតែមានសារសំខាន់ក្នុងការចូលរួមចំណែកដើម្បីសង្គមជាតិកម្ពុជានៅថ្ងៃអនាគត។ ថ្ងៃនេះពួកគេបានទទួលភាពកក់ក្តៅម្តងទៀតពីកាកបាទក្រហមកម្ពុជា ដូច្នេះខ្ញុំសូមថ្លែងអំណរគុណបំផុតចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលនេះបានបង្ហាញឱ្យឃើញថា ទោះសម្ដេចកិតិ្ដព្រឹទ្ធបណ្ឌិត មិនបានអញ្ជើញមកដោយផ្ទាល់ ដូចគ្រាកន្លងមកក្ដី តែទឹកចិត្ដបេះដូង របស់សម្ដេច តែងតែគិតគូរ នឹករលឹកដល់ពួកយើងជានិច្ច។ យើងខ្ញុំពិតជាគោរពស្រឡាញ់ និងមានក្តីនឹករលឹកដល់ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន យ៉ាងខ្លាំង, សម្តេច គឺនៅក្នុងបេះដូងពួកខ្ញុំទាំងអស់គ្នា។»

ក្នុងឱកាសនោះដែរ លោកជំទាវ អគ្គលេខាធិការរងទី១ កាកបាទក្រហមកម្ពុជា ក៏បានពាំនាំនូវប្រសាសន៍ផ្ដាំផ្ញើសួរសុខទុក្ខរបស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដល់លោកស្រី ម៉ារី អិន និងលោកគ្រូអ្នកគ្រូដែលថែទាំកុមារ ជាពិសេសក្មួយៗចៅៗទាំងអស់គ្នា ដែលកំពុងរស់នៅក្នុងមណ្ឌលសង្គ្រោះជនអស់សង្ឃឹម។ លោកជំទាវ មានការចាប់អារម្មណ៍ ចំពោះការរីកចម្រើនធំធាត់របស់ក្មួយៗចៅៗទាំងអស់ដែលរស់នៅក្នុងមណ្ឌល ដែលមានសុខភាពល្អ ចេះទាំងការរៀបចំខ្លួនប្រាណ ចេះទាំងសម្តែងរបាំប្រពៃណីខ្មែរដោយទឹកមុខញញឹមប្រិមប្រីយ៍ ដែលសរបញ្ជាក់ឱ្យឃើញថា នៅក្នុងមណ្ឌលនេះ ពោរពេញដោយក្តីស្រឡាញ់ កក់ក្តៅ និងការថែទាំ យកចិត្តទុកដាក់បានយ៉ាងល្អប្រសើរ។

លោកជំទាវ បានមានប្រសាសន៍ថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តែងតែមានក្តីនឹករលឹកជានិច្ច ជាពិសេសថ្លែងអំណរគុណយ៉ាងជ្រាលជ្រៅចំពោះលោកស្រី ម៉ារី អិន ដែលបានជួយសម្រាលបន្ទុករបស់រាជរដ្ឋាភិបាលកម្ពុជាយើង។ លោកជំទាវ បានផ្តាំផ្ញើដល់ក្មួយៗចៅៗទាំងអស់ ត្រូវចេះសាមគ្គីភាពគ្នា ស្រឡាញ់គ្នាដូចបងប្អូន ក្នុងគ្រួសារតែមួយ ក្រោមដំបូលរបស់អង្គការ និងត្រូវខិតខំរៀនសូត្រ ជាពិសេសត្រូវធ្វើជាពលរដ្ឋល្អ សិស្សល្អ កូនល្អ ចៀសឆ្ងាយពីគ្រឿងញៀន ព្រោះកុមារមួយចំនួន ក៏ធ្លាប់ឃើញឪពុកម្ដាយ និងក្រុមគ្រួសារ ជួបផលអាក្រក់ដោយសារគ្រឿងញៀននេះហើយ ដូច្នេះសូមចៀសឱ្យផុត និងត្រូវអភិវឌ្ឍខ្លួនឱ្យទៅជាធនធានដ៏ល្អសម្រាប់ប្រទេសជាតិយើង។

ចំពោះគម្រោងរបស់អង្គការក្នុងការស្នើសុំបង្កើតឱ្យមានវិទ្យាល័យនៅទីនេះ លោកជំទាវបានជម្រាបជូនថា គឺត្រូវមានការសិក្សា និងមានគោលការណ៍ច្បាស់លាស់ពីក្រសួងអប់រំ យុវជន និងកីឡា ដែលត្រូវពិនិត្យពីលក្ខខណ្ឌឱ្យបានគ្រប់គ្រាន់ក្នុងការបង្កើតវិទ្យាល័យបាន ដើម្បីជាប្រយោជន៍របស់អង្គការក្នុងការបណ្តុះបណ្តាលធនធានមនុស្ស។ ហេតុដូចនេះ ក្រុមការងាររបស់ក្រសួងអប់រំ យុវជន និងកីឡា នឹងត្រូវចុះមកពិនិត្យនៅទីនេះឱ្យបានច្បាស់លាស់ ធ្វើការជាជំហានៗ ដោយគោរពនូវគោលការណ៍ច្បាប់ និងការអនុវត្តជាធរមាន។

ជាទីបញ្ចប់ លោកជំទាវ បានគូសបញ្ជាក់ថា ការចុះសួរសុខទុក្ខ និងរៀបចំអាហារនៅថ្ងៃនេះ គឺដើម្បីចូលរួមអបអរបុណ្យចូលឆ្នាំថ្មីប្រពៃណីជាតិខ្មែរ ដែលកាកបាទក្រហមកម្ពុជា បាននាំមកនូវ អង្ករ ៣តោន, មី ២០កេស, ត្រីខ ៥កេសធំ, ទឹកក្រូច ១០កេស, ទឹកបរិសុទ្ធ ១០កេស, ផ្លែក្រូច ៥កេស, ទឹកត្រី ១០យួរ, អាល់កុល ៣០ប៊ីដុង និងថវិកា ១០លានរៀល។ ចំពោះអាហារនៅថ្ងៃនេះ មានមុខម្ហូបដូចជា សម្លម្ជូរគ្រឿងឆ្អឹងជំនីជ្រូក, ឆាផ្សិតចំបើងគ្រឿងសមុទ្រ, ឡុកឡាក់សាច់គោ, បាយឆា, បង្អែមបបរលត, ទឹកក្រូច និងទឹកបរិសុទ្ធ៕

ចំនួនអ្នកទស្សនា

ថ្ងៃនេះ :
862 នាក់
ម្សិលមិញ :
6727 នាក់
សប្តាហ៍នេះ :
23367 នាក់
សរុប :
5804974 នាក់

ឯកឧត្តម ឧត្តមសេនីយ៍ឯក ជួន ណារិន្ទ អញ្ចើញចូលរួមជាមួយឯកឧត្តម នាយឧត្តមសេនីយ៍ ស ថេត អញ្ជើញចុះពិនិត្យ និងសំណេះសំណាល ជាមួយកងកម្លាំងនគរបាល កំពុងហ្វឹកហាត់សមដើម្បីត្រៀម អបអរសាទរ ខួបអនុស្សាវរីយ៍ លើកទី៨០ នៃថ្ងៃកំណើតនគរបាលជាតិ

ឯកឧត្តមសន្តិបណ្ឌិត នេត សាវឿន ឧបនាយករដ្នមន្ត្រី អញ្ចើញចូលរួមជាមួយសម្ដេចអគ្គមហាសេនាបតីតេជោ ហ៊ុន សែន រៀបចំពិធីបុណ្យទក្ខិណានុប្បទាន ខួបគម្រប់៧ថ្ងៃ និង១០០ថ្ងៃ ឧទ្ទិសកុសល ជូនដល់ដួងវិញ្ញាណក្ខន្ធ ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន (ថ្ងៃបញ្ចប់)

ឧត្តមសេនីយ៍ឯក ហួត ឈាងអន អញ្ចើញទទួលជួបការិយាល័យ អនុព័ន្ធយោធាវៀតណាមប្រចាំនៅកម្ពុជា ដើម្បីសម្ដែងការគួរសម និងជូនពរឆ្នាំថ្មីប្រពៃណីខ្មែរ

សម្តេចកិត្តិសង្គហបណ្ឌិត ម៉ែន សំអន អញ្ជើញប្រារព្ធពិធីជូនពរ និងអបអរសាទរបុណ្យចូលឆ្នាំថ្មី ប្រពៃណីជាតិខ្មែរ នៅខេត្តស្វាយរៀង

ឯកឧត្តម ប៉ា សុជាតិវង្ស ប្រធានក្រុមការងារគណបក្សចុះមូលដ្ឋានខណ្ឌច្បារអំពៅ អញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសបញ្ចូលសមាជិកគណបក្សប្រជាជនកម្ពុជា សង្កាត់និរោធ ចំនួន ៤៣៥រូប នៅទីស្នាក់ការគណបក្សសង្កាត់និរោធ

ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា បានទទួលស្វាគមន៍ ដំណើរទស្សនកិច្ច សម្តែងការគួរសម និងពិភាក្សាការងារ ជាមួយ លោក Pan Shih Ming អ្នកតំណាង ក្រុមហ៊ុន Evergreen Shipping Services (Cambodia) Co., Ltd. មកកាន់កំពង់ផែស្វយ័តក្រុងព្រះសីហនុ

ដំណើរទស្សនកិច្ចរបស់ មន្រ្តីជាន់ខ្ពស់ការិយាល័យ JICA Cambodia និងទីស្នាក់ការកណ្តាល JICA ទីក្រុងតូក្សូ មកកាន់ កំពង់ផែស្វយ័តក្រុងព្រះសីហនុ

ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា បានទទួលស្វាគមន៍ ដំណើរទស្សនកិច្ច ធនាគារពិភពលោក (World Bank) ដឹកនាំដោយលោកស្រី Cordula Rastogi អ្នកជំនាញដឹកជញ្ជូនជាន់ខ្ពស់ មកកាន់ កំពង់ផែស្វយ័តក្រុងព្រះសីហនុ

ឯកឧត្តម គួច ចំរើន អភិបាលខេត្តកណ្តាល អញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ទៅចែកជូនដល់ប្រជាពលរដ្ឋ រងគ្រោះដោយអគ្គិភ័យឆេះផ្ទះ ចំនួន៥ នៅស្រុកអង្គស្នួល

សម្ដេចតេជោ ហ៊ុន សែន អញ្ជើញរៀបចំពិធីបុណ្យទក្ខិណានុប្បទានខួបគម្រប់៧ថ្ងៃ និង១០០ថ្ងៃ ឧទេសកុសលជូនដល់ដួងវិញ្ញាណក្ខន្ធ ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន

លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម អញ្ជើញចូលរួមពិធីសម្ពោធអគារ សមិទ្ធផលនានា និងសំណេះសំណាលជាមួយកងកម្លាំង ក្រោមអធិបតីភាព​ដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី

ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា បានអញ្ជើញចូលរួមក្នុងពិធីបញ្ចុះសព ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន នៅវត្តច័ន្ទបុរីវង្ស ក្នុងខណ្ឌព្រែកព្នៅ រាជធានីភ្នំពេញ

ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញចូលរួមក្នុងពិធីបញ្ចុះសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន

សម្ដេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញចូលរួមក្នុងពិធីបញ្ចុះសព ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន នៅវត្តច័ន្ទបុរីវង្ស នៅខណ្ឌព្រែកព្នៅ រាជធានីភ្នំពេញ

សម្ដេចមហាសេនាបតីតេជោ ហ៊ុន សែន អញ្ជើញជូនដំណើរបងប្រុសជាលើកចុងក្រោយ

ឯកឧត្តម វ៉ី សំណាង អភិបាលខេត្តតាកែវ អញ្ចើញចុះដោះស្រាយ បញ្ចប់ទំនាស់រវាងប្រជាពលរដ្ឋ ៤៥គ្រួសារ លើផ្ទៃដីជាង ៧០ហិកតា នៅក្នុងស្រុកត្រាំកក់

ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញត្រួតពិនិត្យវាយតម្លៃ និងដាក់ឱ្យប្រើប្រាស់ ជាបណ្តោះអាសន្នស្ពានបេតុង ១កន្លែង នៅស្រុកកណ្តៀង ខេត្តពោធិ៍សាត់

ឯកឧត្តម វ៉ី សំណាង អភិបាលខេត្តតាកែវ បានទទួលស្វាគមន៍គណៈប្រតិភូ អគ្គកុងស៊ុលវៀតណាម ប្រចាំខេត្តព្រះសីហនុ អញ្ជើញចូលជួបសម្ដែងការគួរសម ពិភាក្សាការងារ និងជូនពរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ

ឯកឧត្តម ប៉ា សុជាតិវង្ស ប្រធានក្រុមការងារគណបក្សចុះមូលដ្នានខណ្ឌច្បារអំពៅ អញ្ចើញជាអធិបតីភាពដ៏ខ្ពង់ខ្ពស់ដឹកនាំកិច្ចប្រជុំជីវភាពប្រចាំខែ ក្រុមការងារគណបក្សនិងគណៈកម្មាធិការគណបក្សខណ្ឌច្បារអំពៅ

ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន អញ្ជើញដឹកនាំរៀបចំពិធីហែអដ្ឋិធាតុ លោកជំទាវ ច្រឹង គឹមហេន ដែលត្រូវជាភរិយារបស់ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន