អបអរសាទរពិធីសម្ពោធទីលានបាល់បោះរទេះជនពិការ ក្រោមជំនួយឧបត្ថម្ភពីរដ្ឋាភិបាលជប៉ុន និងសប្បុរសជននានា ស្ថិតក្នុងមជ្ឈមណ្ឌលស្តារលទ្ធភាពពលកម្មកាយសម្បទាបាត់ដំបង ...!!នៅថ្ងៃទី២៩ ខែសីហា ឆ្នាំ២០២៤នេះ ស្ថិតក្នុងមជ្ឈមណ្ឌលស្តារលទ្ធភាពពលកម្មកាយសម្បទាបាត់ដំបង ភូមិវត្តលាប សង្កាត់ចំការសំរោង ក្រុងបាត់ដំបង ខេត្តបាត់ដំបង បានរៀបចំពិធីសម្ពោធទីលានបាល់បោះរទេះជនពិការ នៃសហព័ន្ធកីឡាបាល់បោះរទេះកម្ពុជា ក្រោមជំនួយឧបត្ថម្ភពីរដ្ឋាភិបាលជប៉ុន និងសប្បុរសជននានា ដែលពិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជានាយិកាខុទ្ទកាល័យសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។ ពិធីនេះក៏មានការអញ្ជើញចូលរួមជាគណៈអធិបតីពីសំណាក់ ឯកឧត្តម អ៊ឺអិណុ អាត់ស៊ូស៊ី UENO ATSUSHI ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា, ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង, អ្នកម្នាង ស៊ីសុវត្ថិ កន្ធីរ៉េត ប្រធានសហព័ន្ធកីឡាបាល់បោះរទេះជនពិការកម្ពុជា និងលោក ម៉ាក ស្លុត MARC ZLOT ប្រធានកម្មវិធីស្តារនីតិសម្បទា របស់គណៈកម្មាធិការអន្តរជាតិកាកបាទក្រហម ព្រមទាំងអញ្ជើញ/និមន្តចូលរួមពី ព្រះសង្ឃ ថ្នាក់ដឹកនាំ តំណាងស្ថាប័នជាតិ-អន្តរជាតិ អង្គការសង្គមស៊ីវិល គណៈប្រតិភូពុទ្ធិកសមាគមកម្ពុជរដ្ឋ និងបងប្អូនអត្តពលិក សរុបចំនួនប្រមាណ ១៤០នាក់។ ទីលានបាល់បោះរទេះជនពិការនេះ ទទួលបានជំនួយឧបត្ថម្ភពីរាជរដ្ឋាភិបាលជប៉ុន ដែលបានផ្តល់ថវិកាចំនួន ៧៦.៣៣៣ ដុល្លារអាមេរិក តាមសំណើរបស់សហព័ន្ធកីឡាបាល់បោះរទេះជនពិការកម្ពុជា។ មុនពេលដំបូលនេះត្រូវបានសាងសង់ ការហាត់សមមិនអាចធ្វើទៅបានទេ ក្រោមពន្លឺថ្ងៃខ្លាំង នៅពេលដែលមានភ្លៀងធ្លាក់ខ្លាំង ឬពេលងងឹត ដូច្នេះអត្តពលិកកីឡាបាល់បោះរទេះជនពិការ មានពេលវេលាតិចណាស់ក្នុងការហាត់សម។ ទោះជាយ៉ាងណាក៏ដោយ ទីលានបាល់បោះត្រូវបានបញ្ចប់ការសាងសង់ដំបូលថ្មីហើយ ដូច្នេះក្រុមបាល់បោះរទេះជនពិការរបស់កម្ពុជា នឹងអាចហាត់សមបាល់បោះបានញឹកញាប់ និងក្នុងបរិយាកាសល្អប្រសើរជាងមុន ដែលពួកគេអាចទទួលបានលទ្ធផលកាន់តែល្អក្នុងការប្រកួតអន្តរជាតិនៅថ្ងៃអនាគត។ ទីលាននេះ មិនត្រឹមតែជាកន្លែងសម្រាប់ធ្វើការហ្វឹកហាត់ និងការប្រកួតប៉ុណ្ណោះទេ ប៉ុន្តែជានិមិត្តរូបនៃការប្តេជ្ញាចិត្តរួមគ្នា ក្នុងការផ្តល់សិទ្ធិអំណាចដល់ជនពិការតាមរយៈកីឡា និងក្នុងកិច្ចខិតខំប្រឹងប្រែងរួមកម្លាំងសាមគ្គីគ្នា ក្នុងដំណើរឈានឆ្ពោះសង្គមជាតិមួយមានសុខសន្តិភាព, ប្រកបដោយបរិយាប័ន្ន ពោរពេញដោយស្នាមញញឹម ក្តីស្រឡាញ់ មេត្តា ករុណា មុទិតា។ក្នុងនាមកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ គង់ប្រថាប់ជាព្រះប្រធានកិត្តិយស និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន, លោកជំទាវ ម៉ែន នារីសោភ័គ បានសម្តែងនូវក្តីសោមនស្សរីករាយ ព្រមទាំងថ្លែងអំណរគុណយ៉ាងជ្រាលជ្រៅ និងកោតសរសើរចំពោះ អ្នកម្នាង ស៊ីសុវត្ថិ កន្ធីរ៉េត ប្រធានសហព័ន្ធកីឡាបាល់បោះរទេះជនពិការកម្ពុជា ដែលបានដឹកនាំប្រកបដោយការលះបង់ដ៏ខ្ជាប់ខ្ជួន មានស្មារតីទទួលខុសត្រូវខ្ពស់ និងការប្តេជ្ញាចិត្ត អភិវឌ្ឍកីឡាបាល់បោះរទេះជនពិការកម្ពុជា លើកទឹកចិត្តឱ្យអត្តពលិករបស់យើងសម្រេចបាននូវសមិទ្ធផល និងស្នាដៃយ៉ាងធំធេងក្នុងការចូលរួមក្នុងកម្មវិធីប្រកួតជាបន្តបន្ទាប់ទាំងថ្នាក់ជាតិ អន្តរជាតិ, ជាពិសេសក្នុងការចូលរួមប្រកួតអាស៊ានប៉ារ៉ាហ្គេមឆ្នាំ២០២៣ គួរជាទីមោទនៈសម្រាប់ព្រះរាជាណាចក្រកម្ពុជា។ជាមួយគ្នានេះ លោកជំទាវ ក៏បានថ្លែងអំណរគុណចំពោះវត្តមានរបស់គណៈអធិបតី និងភ្ញៀវកិត្តិយសដែលបានអញ្ជើញចូលរួមទាំងអស់ គឺជាសក្ខីកម្មនៃកិច្ចខិតខំប្រឹងប្រែងរួម និងការគាំទ្រដ៏មានសារៈសំខាន់ ក៏ដូចជាបង្ហាញឱ្យឃើញពីកម្លាំងជំរុញដ៏សំខាន់ក្នុងការប្ដេជ្ញាចិត្តលើកកម្ពស់ជនមានពិការភាព មិនត្រឹមតែគ្រាន់តែជាការកសាងនូវទីលានសម្រាប់បាល់បោះរទេះជនពិការសម្រាប់ធ្វើការហ្វឹកហាត់ប៉ុណ្ណោះទេ ប៉ុន្តែនេះជាការបង្ហាញនូវចក្ខុវិស័យរួមគ្នានៃសមភាព ឱកាស និងក្តីសង្ឃឹម។លោកជំទាវ បានគូសបញ្ជាក់ថា «អ្នកមានពិការភាព គឺជាក្រុមគោលដៅអាទិភាពមួយក្នុងការទទួលបាននូវសេវានានា ការដោះស្រាយជីវភាព និងការយកចិត្តទុកដាក់ខ្ពស់ពីកាកបាទក្រហមកម្ពុជា ក្នុងនោះមានដូចជា សមាគមតន្ត្រីសំនៀងជនពិការ, សមាគមវិទ្យុ/ទូរទស្សន៍អ្នកពិការភាពភ្នែក, កុមារខ្សោយសតិបញ្ញា, បុរីទារក, ជាពិសេស អ្នករងគ្រោះដោយសារមីន/យុទ្ធភ័ណ្ឌមិនទាន់ផ្ទុះ ក្នុងកិច្ចសហការជាយូរអង្វែង និងការជួយឧបត្ថម្ភគាំទ្រពីគណៈកម្មាធិការអន្តរជាតិកាកបាទក្រហម ពីសមាគមជាតិជាដៃគូមួយចំនួន ដែលបាននិងកំពុងជួយអ្នករងគ្រោះដោយសារមីន និងអ្នករស់នៅក្នុងតំបន់ ប្រឈមនឹងគ្រាប់មីន/យុទ្ធភ័ណ្ឌមិនទាន់ផ្ទុះជាង ៨ពាន់គ្រួសារ ឱ្យមានជីវភាពបានល្អប្រសើរឡើង តាមរយៈប្រាក់កម្ចីពុំមានការប្រាក់របស់កាកបាទក្រហមកម្ពុជា។»
ចំនួនអ្នកទស្សនា
ឯកឧត្តម ឧត្តមសេនីយ៍ឯក ជួន ណារិន្ទ អញ្ចើញចូលរួមជាមួយឯកឧត្តម នាយឧត្តមសេនីយ៍ ស ថេត អញ្ជើញចុះពិនិត្យ និងសំណេះសំណាល ជាមួយកងកម្លាំងនគរបាល កំពុងហ្វឹកហាត់សមដើម្បីត្រៀម អបអរសាទរ ខួបអនុស្សាវរីយ៍ លើកទី៨០ នៃថ្ងៃកំណើតនគរបាលជាតិ
ឯកឧត្តមសន្តិបណ្ឌិត នេត សាវឿន ឧបនាយករដ្នមន្ត្រី អញ្ចើញចូលរួមជាមួយសម្ដេចអគ្គមហាសេនាបតីតេជោ ហ៊ុន សែន រៀបចំពិធីបុណ្យទក្ខិណានុប្បទាន ខួបគម្រប់៧ថ្ងៃ និង១០០ថ្ងៃ ឧទ្ទិសកុសល ជូនដល់ដួងវិញ្ញាណក្ខន្ធ ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន (ថ្ងៃបញ្ចប់)
ឧត្តមសេនីយ៍ឯក ហួត ឈាងអន អញ្ចើញទទួលជួបការិយាល័យ អនុព័ន្ធយោធាវៀតណាមប្រចាំនៅកម្ពុជា ដើម្បីសម្ដែងការគួរសម និងជូនពរឆ្នាំថ្មីប្រពៃណីខ្មែរ
សម្តេចកិត្តិសង្គហបណ្ឌិត ម៉ែន សំអន អញ្ជើញប្រារព្ធពិធីជូនពរ និងអបអរសាទរបុណ្យចូលឆ្នាំថ្មី ប្រពៃណីជាតិខ្មែរ នៅខេត្តស្វាយរៀង
ឯកឧត្តម ប៉ា សុជាតិវង្ស ប្រធានក្រុមការងារគណបក្សចុះមូលដ្ឋានខណ្ឌច្បារអំពៅ អញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសបញ្ចូលសមាជិកគណបក្សប្រជាជនកម្ពុជា សង្កាត់និរោធ ចំនួន ៤៣៥រូប នៅទីស្នាក់ការគណបក្សសង្កាត់និរោធ
ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា បានទទួលស្វាគមន៍ ដំណើរទស្សនកិច្ច សម្តែងការគួរសម និងពិភាក្សាការងារ ជាមួយ លោក Pan Shih Ming អ្នកតំណាង ក្រុមហ៊ុន Evergreen Shipping Services (Cambodia) Co., Ltd. មកកាន់កំពង់ផែស្វយ័តក្រុងព្រះសីហនុ
ដំណើរទស្សនកិច្ចរបស់ មន្រ្តីជាន់ខ្ពស់ការិយាល័យ JICA Cambodia និងទីស្នាក់ការកណ្តាល JICA ទីក្រុងតូក្សូ មកកាន់ កំពង់ផែស្វយ័តក្រុងព្រះសីហនុ
ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា បានទទួលស្វាគមន៍ ដំណើរទស្សនកិច្ច ធនាគារពិភពលោក (World Bank) ដឹកនាំដោយលោកស្រី Cordula Rastogi អ្នកជំនាញដឹកជញ្ជូនជាន់ខ្ពស់ មកកាន់ កំពង់ផែស្វយ័តក្រុងព្រះសីហនុ
ឯកឧត្តម គួច ចំរើន អភិបាលខេត្តកណ្តាល អញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ទៅចែកជូនដល់ប្រជាពលរដ្ឋ រងគ្រោះដោយអគ្គិភ័យឆេះផ្ទះ ចំនួន៥ នៅស្រុកអង្គស្នួល
សម្ដេចតេជោ ហ៊ុន សែន អញ្ជើញរៀបចំពិធីបុណ្យទក្ខិណានុប្បទានខួបគម្រប់៧ថ្ងៃ និង១០០ថ្ងៃ ឧទេសកុសលជូនដល់ដួងវិញ្ញាណក្ខន្ធ ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន
លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម អញ្ជើញចូលរួមពិធីសម្ពោធអគារ សមិទ្ធផលនានា និងសំណេះសំណាលជាមួយកងកម្លាំង ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី
ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា បានអញ្ជើញចូលរួមក្នុងពិធីបញ្ចុះសព ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន នៅវត្តច័ន្ទបុរីវង្ស ក្នុងខណ្ឌព្រែកព្នៅ រាជធានីភ្នំពេញ
ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញចូលរួមក្នុងពិធីបញ្ចុះសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន
សម្ដេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញចូលរួមក្នុងពិធីបញ្ចុះសព ឯកឧត្តម អ្នកឧកញ៉ាឧត្តមមេត្រីវិសិដ្ឋ ហ៊ុន សាន នៅវត្តច័ន្ទបុរីវង្ស នៅខណ្ឌព្រែកព្នៅ រាជធានីភ្នំពេញ
សម្ដេចមហាសេនាបតីតេជោ ហ៊ុន សែន អញ្ជើញជូនដំណើរបងប្រុសជាលើកចុងក្រោយ
ឯកឧត្តម វ៉ី សំណាង អភិបាលខេត្តតាកែវ អញ្ចើញចុះដោះស្រាយ បញ្ចប់ទំនាស់រវាងប្រជាពលរដ្ឋ ៤៥គ្រួសារ លើផ្ទៃដីជាង ៧០ហិកតា នៅក្នុងស្រុកត្រាំកក់
ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញត្រួតពិនិត្យវាយតម្លៃ និងដាក់ឱ្យប្រើប្រាស់ ជាបណ្តោះអាសន្នស្ពានបេតុង ១កន្លែង នៅស្រុកកណ្តៀង ខេត្តពោធិ៍សាត់
ឯកឧត្តម វ៉ី សំណាង អភិបាលខេត្តតាកែវ បានទទួលស្វាគមន៍គណៈប្រតិភូ អគ្គកុងស៊ុលវៀតណាម ប្រចាំខេត្តព្រះសីហនុ អញ្ជើញចូលជួបសម្ដែងការគួរសម ពិភាក្សាការងារ និងជូនពរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ
ឯកឧត្តម ប៉ា សុជាតិវង្ស ប្រធានក្រុមការងារគណបក្សចុះមូលដ្នានខណ្ឌច្បារអំពៅ អញ្ចើញជាអធិបតីភាពដ៏ខ្ពង់ខ្ពស់ដឹកនាំកិច្ចប្រជុំជីវភាពប្រចាំខែ ក្រុមការងារគណបក្សនិងគណៈកម្មាធិការគណបក្សខណ្ឌច្បារអំពៅ
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន អញ្ជើញដឹកនាំរៀបចំពិធីហែអដ្ឋិធាតុ លោកជំទាវ ច្រឹង គឹមហេន ដែលត្រូវជាភរិយារបស់ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន