ថ្ងៃទី១៩ ខែកុម្ភៈ ឆ្នាំ២០២០
ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32
ឯកឧត្តម វេង សាខុន រដ្នមន្ត្រីក្រសួងកសិកម្ម រុក្ខាប្រមាញ់និងនេសាទ អញ្ចើញជាអធិបតីភាពដ៏ខ្ពង់ខ្ពស់ ក្នុងពិធីបិទវេទិកាថ្នាក់ជាតិ ដ្ដីពីវិធានការចម្រុះគ្រប់គ្រងដំណាំ នៅខេត្តសៀមរាប
Di,29 Oktober 2019 (Time 06:48 )
ដោយ ៖ ដើម្បីប្រជាជន


នៅសណ្ឋាគារអប្សារាផាឡេស (Apsara Palace Hotel) ខេត្តសៀមរាប
នាព្រឹកថ្ងៃអង្គារ ២កើត ខែកត្តិក ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៩ ខែតុលា ឆ្នាំ២០១៩ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានអញ្ជើញជាអធិបតីក្នុងពិធីបិទវេទិកាថ្នាក់ជាតិ ស្តីពីវិធានការចម្រុះគ្រប់គ្រងដំណាំ (Integrated Pest Management - IPM) និង សុវត្ថិភាពស្បៀងអាហារ (Food Safety)។

ក្នុងពិធីដ៏មានសារៈសំខាន់នាព្រឹកនេះក៏មានការអញ្ជើញចូលរួមជាកិត្តិយសពីលោក Alexandre Huynh តំណាងអង្គការស្បៀង និងកសិកម្មនៃសហប្រជាជាតិ (FAO) ប្រចាំព្រះរាជាណាចក្រកម្ពុជា លោកបណ្ឌិត Buyung Hadi តំណាងអង្គការវិទ្យាស្ថានស្រាវជ្រាវស្រូវអន្តរជាតិ (IRRI) ប្រចាំព្រះរាជាណាចក្រកម្ពុជា ឯកឧត្តម លោកជំទាវជាថ្នាក់ដឹកនាំក្រសួង លោក‌ លោកស្រី នាងកញ្ញា ភ្ញៀវកិត្តិយសជាតិ និងអន្តរជាតិជាច្រើនកុះករ។

ជាកិច្ចស្វាគមន៍ ឯកឧត្តមរដ្ឋមន្ត្រីបានសម្តែងនូវសេចក្តីរីករាយជាអនេក ដោយបានចូលរួមក្នុងពិធីបិទវេទិកាថ្នាក់ជាតិស្តីពី “វិធានការចម្រុះគ្រប់គ្រងដំណាំ (Integrated Pest Management - IPM) និងសុវត្ថិភាពស្បៀងអាហារ (Food Safety)” នាថ្ងៃនេះ។

ឆ្លៀតក្នុងឱកាសនេះផងដែរ លោកក៏បានថ្លែងអំណរគុណ និងសម្តែងនូវមូលវិចារណ៍ជាវិជ្ជមានចំពោះអង្គការ IRRI FAO និង USAID ដែលបានសហការយ៉ាងល្អប្រសើរជាមួយអគ្គនាយកដ្ឋានកសិកម្មក្នុងការរៀបចំចាត់ចែងឱ្យមានវេទិកាថ្នាក់ជាតិនេះឡើង ដោយបានដាក់ចេញនូវប្រធាន បទពិភាក្សាយ៉ាងល្អិតល្អន់ទៅលើមូលបញ្ហាជាច្រើនក្នុងរយៈពេល ២ថ្ងៃកន្លងមកនេះតាមគោលដៅរំពឹងទុក និងទទួលបាននូវលទ្ធផលជាផ្លែផ្កាគួរជាទីមោទនៈ ដូចមាននៅក្នុងខ្លឹមសារនៃលទ្ធផលបូកសរុបថ្លែងដោយឯកឧត្តម ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម។

ឯកឧត្តមរដ្ឋមន្ត្រីជឿជាក់ផងដែរថា ធាតុចូលសំខាន់ៗដែលទទួលបានពីអង្គវេទិកា គឺជាមូលដ្ឋានគ្រឹះសម្រាប់ជាបទពិសោធន៍ក្នុងការរៀបចំគោលនយោបាយក៏ដូចជាការឧបត្ថម្ភគាំទ្រផ្សេងៗទៀតឆ្ពោះទៅរកការលើកកម្ពស់ផលិតកម្មកសិកម្មប្រកបដោយគុណភាព ធានាសុវត្ថិភាពស្បៀងអាហារ ដើម្បីសុខុមាលភាពសាធារណៈ ការប្រើប្រាស់ធនធានធម្មជាតិប្រកបដោយភាតរបរិស្ថានជាដើម។

ដោយសារសុខសន្តិភាព និងស្ថិរភាពនយោបាយបានបង្កើតឱកាសមាសដែលពុំធ្លាប់មានដល់កម្ពុជាក្នុងការអភិវឌ្ឍសង្គម-សេដ្ឋកិច្ចឱ្យសម្រេចបានសមិទ្ធផលយ៉ាងធំធេងគួរជាទីមោទនៈក្នុងរយៈពេលជាង២ទសវត្សរ៍ចុងក្រោយនេះ។ លើសពីនេះទៀត ប្រទេសកម្ពុជាសម្រេចបាននូវកំណើនសេដ្ឋកិច្ចខ្ពស់ជាមធ្យមក្នុងរង្វង់៧%ក្នុងមួយឆ្នាំ ជាមួយនឹងការធានាបាននូវស្ថិរភាពម៉ាក្រូសេដ្ឋកិច្ច និងហិរញ្ញវត្ថុដ៏រឹងមាំ ហើយមូលដ្ឋាននៃកំណើននេះមានការកើនឡើងជាបន្តបន្ទាប់ ភាពក្រីក្រត្រូវក៏បានប៉ាន់ប្រមាណថានឹងបន្តធ្លាក់ចុះមកក្នុងរង្វង់៩% ក្នុងឆ្នាំ២០១៩នេះ។

ជារួម ភាពរីកចម្រើននេះបានប្រែក្លាយកម្ពុជាពីប្រទេសដែលមានចំណូលទាប ទៅជាប្រទេសដែលមានចំណូលមធ្យមកម្រិតទាបនៅឆ្នាំ២០១៥ និងកំពុងបន្តដំណើរឈានទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០។

ដើម្បីគាំទ្រដល់រាជរដ្ឋាភិបាលសម្រេចចក្ខុវិស័យខាងលើ ក្រសួងកសិកម្ម រុក្ខាប្រមាញ់ និងនេសាទ ដែលជាសេនាធិការបានខិតខំពុះពារគ្រប់បែបយ៉ាងក្នុងការអនុវត្តគោលនយោបាយកំណែទម្រង់ស៊ីជម្រៅ ពិសេសយុទ្ធសាស្រ្តចតុកោណដំណាក់កាលទី៤របស់រាជរដ្ឋាភិបាល នីតិកាលទី៦នៃរដ្ឋសភា តាមរយៈការធ្វើទំនើបភាវូបនីយកម្មផលិតកម្មកសិកម្មឱ្យមានលក្ខណៈប្រកួតប្រជែង បរិយាប័ន្ន ធន់នឹងការប្រែប្រួលអាកាសធាតុ និងមាននិរន្តរភាព ដែលទាំងអស់នេះនឹងនាំដល់ការកើនឡើងប្រាក់ចំណូលគ្រួសារកសិករ ធានាវិបុលភាព និងសុខុមាលភាពរបស់ប្រជាពលរដ្ឋកម្ពុជា។

ទៀតសោត គោលដៅអភិវឌ្ឍន៍វិស័យកសិកម្មគឺត្រូវជំរុញកំណើនកសិកម្ម និងបង្កើនការនាំចេញផលិតផលកសិកម្មប្រកបដោយគុណភាព និងសុវត្ថិភាព តាមរយៈការលើកកម្ពស់ផលិតភាពកសិកម្ម បង្កើនតម្លៃបន្ថែម និងពង្រីកការប្រកួតប្រជែងទីផ្សារ ព្រមទាំងរក្សាបានតុល្យភាពនៃការប្រើប្រាស់ដីកសិកម្ម និងធានាការគ្រប់គ្រងធនធានព្រៃឈើ និងជលផលប្រកបដោយនិរន្តរភាព។ ជារួច

ការវិវឌ្ឍន៍រីកចម្រើនក្នុងវិស័យកសិកម្ម បានលើកស្ទួយប្រទេសកម្ពុជាឱ្យក្លាយជាប្រទេសមួយក្នុងចំណោមប្រទេសនាំចេញអង្ករធំៗ១០ និងជាប្រទេសទី៥ ដែលកំពុងនាំចេញអង្ករសរីរាង្គទៅកាន់ទីផ្សារអ៊ឺរ៉ុប ហើយក្នុងឆ្នាំ២០១៨កន្លងទៅនេះ កម្ពុជាផលិតស្រូវបានចំនួនជាង ១០,៨លានតោន សល់ស្រូវចំនួនជាង ៥,៨លានតោនសម្រាប់នាំចេញ បាននាំចេញអង្ករជាផ្លូវការចំនួនជាង ៦៣៥ពាន់តោន និងបាននាំចេញផលិតផលកសិកម្មសរុប ៤,២៣លានតោនផងដែរ។

ទាំងអស់នេះបញ្ជាក់យ៉ាងច្បាស់ថា ប្រជាកសិករកម្ពុជាកំពុងកែប្រែទម្លាប់ ពីការផលិតសម្រាប់បម្រើសេចក្ដីត្រូវការរបស់ខ្លួន មកជាការផលិតតាមលក្ខណៈប្រពលវប្បកម្ម ឈានដល់ការផលិតសម្រាប់នាំចេញ និងការប្រកួតប្រជែងទីផ្សារនៅអន្តរជាតិព្រោះមានតម្រូវការទីផ្សារខ្ពស់។

ដូច្នេះ ការរៀបចំវេទិកាថ្នាក់ជាតិស្តីពី វិធានការចម្រុះគ្រប់គ្រងដំណាំ និងសុវត្ថិភាពស្បៀងអាហារនាពេលនេះ គឺសមស្របនឹងនិន្នាការពិភពលោក ដែលបានងាកទៅរកការប្រើប្រាស់ផលិតផលកសិកម្មមានគុណភាព និងមិនប៉ះពាល់ដល់សុខភាព ដូចជាកសិផលសរីរាង្គ (Organic) ការអនុវត្តកសិកម្មល្អ (GAP) តាមស្តង់ដារ និងកសិផលក្នុងប្រព័ន្ធធានាសុវត្ថិ-ភាពដោយមានការចូលរួម (PGS) ដើម្បីទទួលបាននូវឧត្តមភាពប្រកួតប្រជែងនៅលើទីផ្សារអន្តរជាតិ។

ពាក់ព័ន្ធនឹងប្រធានបទនេះ ឯកឧត្តមរដ្ឋមន្ត្រីបានបង្ថែមថា ដោយទទួលបានកិច្ចគាំទ្រយ៉ាងល្អប្រសើរពីដៃគូអភិវឌ្ឍន៍ ក្រសួងកសិកម្ម រុក្ខាប្រមាញ់ និងនេសាទ បានដាក់ចេញនូវគោលការណ៍ និងរូបសញ្ញាជាតិនៃការអនុវត្តកសិកម្មល្អកម្ពុជា (CamGAP) ជាស្តង់ដារជាតិ ដែលជាវិធាននៃការអនុវត្ត និងអាចបញ្ជាក់បានទាំងគុណភាព និងសុវត្ថិភាពនៃផលិតផលកសិកម្ម ជាពិសេសលើដំណាំបន្លែ និងផ្លែឈើ។

ទន្ទឹមនឹងនេះ ដើម្បីលើកកម្ពស់វិធានការចម្រុះគ្រប់គ្រងដំណាំ និងសុវត្ថិភាពស្បៀងអាហារ ឯកឧត្តមរដ្ឋមន្ត្រីបានណែនាំដល់អគ្គនាយកដ្ឋានកសិកម្ម និងអង្គភាពពាក់ព័ន្ធ ត្រូវបន្តកិច្ចសហប្រតិបត្តិការល្អជាមួយអង្គការជាតិ អន្តរជាតិ និងដៃគូអភិវឌ្ឍន៍នានា ក្នុងការលើកស្ទួយវិស័យកសិកម្មប្រកបដោយនិរន្តរភាព និងមានសុវត្ថិភាពស្បៀងអាហារដោយផ្តោតជាសំខាន់ទៅលើ៖

ទី១. ការជំរុញអនុវត្តវិធានការចម្រុះគ្រប់គ្រងដំណាំ ក្នុងការធ្វើពិពិធកម្មដំណាំ ពិសេសការដាំបន្លែដែលមានឧត្តមភាពប្រកួតប្រជែង ដើម្បីជំនួសឱ្យការនាំចូលដោយត្រូវគិតគូរជួយណែនាំលើកទឹកចិត្តដល់កសិករក៏ដូចជាសហគមន៍កសិកម្មទាំងអស់ក្នុងការអនុវត្តឱ្យបានត្រឹមត្រូវតាមបច្ចេកទេសប្រកបដោយភាពវៃឆ្លាតក្នុងការដាំដុះ ការគ្រប់គ្រងទឹក ការគ្រប់គ្រងនិងប្រើប្រាស់ជី និងការកម្ចាត់សមាសភាពចង្រៃ។

ពិសេស ត្រូវជ្រើសរើសប្រភេទពូជដំណាំដែលផ្តល់ទិន្នផលខ្ពស់ សមស្របនឹងក្សេត្របរិស្ថាន ធន់នឹងការប្រែប្រួលអាកាសធាតុ ឆ្លើយតបនឹងតម្រូវការទីផ្សារ និងប្រើប្រាស់គ្រាប់ពូជសុទ្ធល្អដើម្បីទទួលបានទិន្នផលខ្ពស់ គុណភាពល្អ និងថ្លៃខ្ពស់នៅលើទីផ្សារដោយត្រូវគិតគូរអំពីការធ្វើទំនើបកម្មលើប្រព័ន្ធផ្សព្វផ្សាយកសិកម្ម តាមលក្ខណៈឌីជីថល (E-Extension) ឱ្យបានខ្លាំងក្លាដោយផ្សារភ្ជាប់ជាមួយនឹងកម្មវិធីចម្រុះគ្រប់គ្រងដំណាំជាចាំបាច់។

ទី២. ត្រូវបង្កើតស្តង់ដារគុណភាពនៃផលិតផលកសិកម្មស្របតាមគោលការណ៍ការអនុវត្តកសិកម្មល្អកម្ពុជា (CamGAP) ឬបន្លែសរីរាង្គ ប្រកបដោយនិរន្តរភាពឱ្យបានច្បាស់លាស់ ព្រមទាំងកំណត់យន្តការក្នុងការវាយតម្លៃបញ្ជាក់គុណភាពឱ្យបានត្រឹមត្រូវ ដើម្បីទទួលបានផលិតផលល្អពិតប្រាកដែលទទួលស្គាល់ដោយទីផ្សារជាតិនិងអន្តរជាតិ។

បន្តលើកកម្ពស់ស្តង់ដារមន្ទីរពិសោធន៍ជាតិកសិកម្មឱ្យមានការទទួលស្គាល់ជាលក្ខណៈជាតិ-អន្តរជាតិ ពិសេសត្រូវពង្រឹងការអនុវត្តវិធានភូតគាមអនាម័យ (SPS) ក្នុងការបង្ការ និងទប់ស្កាត់រាល់ការឆ្លងនូវសមាសភាពចង្រៃពីតំបន់មួយទៅតំបន់មួយទៀត តាមរយៈការចល័តគ្រាប់ពូជ បំណែក និងកំណាត់ដើមពូជដំណាំ ដែលមានផ្ទុកនូវសមាសភាពចង្រៃ។

ទី៣. បន្តជំរុញលើកទឹកចិត្តដល់កសិករ និងសហគមន៍កសិកម្មក្នុងការផលិតបន្លែតាមស្តង់ដារសុវត្ថិភាព ដោយអនុវត្តវិធីសាស្រ្តចម្រុះក្នុងការកម្ចាត់សមាសភាពចង្រៃ ការប្រើពូជធន់ ការគ្រប់គ្រងជីជាតិដី ការអនុវត្តវិធានការដាំដុះសមស្រប ការប្រើប្រាស់ជីជាលក្ខណៈចម្រុះរវាងជីធម្មជាតិ និងជីគីមី ដោយផ្អែកលើប្រភេទដី និងតាមតម្រូវការជាក់ស្តែងរបស់ដំណាំ។ អនុវត្តវិធានការមេកានិច វិធានការជីវសាស្រ្ត និងថ្នាំផ្សំពីរុក្ខជាតិជាដើម ដើម្បីកាត់បន្ថយផលប៉ះពាល់ដល់បរិស្ថាន សុខភាពមនុស្ស និងសត្វមានប្រយោជន៍។

ទី៤. ជំរុញការអភិវឌ្ឍកសិដ្ឋានគំរូ និងពង្រឹងការគ្រប់គ្រងសហគមន៍កសិកម្ម ដោយត្រូវផ្តល់ការលើកទឹកចិត្ត និងពង្រឹងសមត្ថភាពរបស់សហគមន៍កសិកម្ម ដើម្បីផលិតក្នុងទ្រង់ទ្រាយធំប្រកបដោយស្តង់ដារ ដោយអនុវត្តយន្តការផលិតកម្មកសិកម្មតាមកិច្ចសន្យា។

ទី៥. ពង្រឹងនិងលើកកម្ពស់កិច្ចសហប្រតិបត្តិការក្នុងការអនុវត្តវិធានការចម្រុះគ្រប់គ្រងដំណាំ ការអនុវត្តកសិកម្មល្អ និងកសិកម្មសរីរាង្គ ដើម្បីសុវត្ថិភាពស្បៀងអាហារជាមួយវិស័យឯកជន និងដៃគូអភិវឌ្ឍន៍ តាមអភិក្រម “រដ្ឋ ឯកជន ដៃគូអភិវឌ្ឍន៍ និងសហគមន៍” និងត្រូវពិនិត្យលទ្ធភាពក្នុងការរកទីតាំងលក់ផលិតផលសរីរាង្គ ឬផលិតផល GAP នៅក្នុងទីផ្សារកសិផល ដើម្បីឱ្យអ្នកប្រើប្រាស់បានទទួលនូវផលិតផលដែលមានស្តង់ដារ និងអនាម័យខ្ពស់ និងការធានាចីរភាពបរិស្ថានស្របតាមគោលការណ៍ “អភិវឌ្ឍន៍បៃតង”។

ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ចើញចូលរួមពិធីបុណ្យសពកូនប្រុស ឯកឧត្តម នាយឧត្តមសេនីយ៏ ទូច ណារ៉ុថ

លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ អញ្ចើញជាអធិបតីដឹកនាំកិច្ច ប្រជុំត្រួតពិនិត្យការអនុវត្តតួនាទីភារកិច្ច និង ការងារកងរាជអាវុធហត្ថប្រចាំខែកុម្ភៈ និងលើក ទិសដៅខែមីនា ឆ្នាំ២០២០

ឯកឧត្តម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ អញ្ចើញជាអធិបតីភាព ក្នុងពិធីប្រកាស ដាក់ឲ្យដំណើរការ រចនាសម្ព័ន្ធថ្មី នៃរដ្នបាលខណ្ឌមានជ័យ

ឯកឧត្តម ឧត្តមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស បានបើកកិច្ចប្រជុំពិភាក្សាការងារ រវាងតំណាងកងរាជអាវុធហត្ថលើផ្ទៃប្រទេស និងតំណាងក្រសួងការពារជាតិ

ឯកឧត្តម វេង សាខុន រដ្នមន្ត្រីក្រសួងកសិកម្ម រុក្ខាប្រមាញ់ និង នេសាទ បានអនុញ្ញាតឲ្យលោកស្រី Ophelie BOURHIS ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួង

ឯកឧត្តម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ អញ្ចើញជាអធិបតីភាព ក្នុងពិធីប្រកាសដាក់ឲ្យដំណើរការ រចនាសម្ព័ន្ធថ្មីនៃរដ្នបាលខណ្ឌច្បារអំពៅ

ឯកឧត្តម រដ្នមន្ត្រី វេង សាខុន អញ្ចើញជាអធិបតីភាពដឹកនាំកិច្ចប្រជុំពិនិត្យ និងពិភាក្សាលើ របាយការណ៍វឌ្ឍនភាពបញ្ហាប្រឈម និងទិសបន្តដៅក្នុងការ អនុវត្តផលិតកម្មកសិកម្ម

ឯកឧត្តម ខៀវ កាញារីទ្ធ រដ្នមន្ត្រីក្រសួងព័ត៏មាន អញ្ចើញជាអធិបតីភាព ក្នុងពិធីបិទសិក្ខាសាលាស្ដីពី ការផ្សព្វផ្សាយព័ត៏មានប្រកបដោយវិជ្ជាជីវៈ និង ក្រមសីលធម៍ ដល់បណ្ដាលអ្នកសារព័ត៏មាន នៅប្រទេសកម្ពុជា

ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ចើញចូលរួមក្នុងកិច្ចប្រជុំគណៈកម្មការជាតិលើកទី៣ នៅទីស្ដីការក្រសួងការបទេស

ឯកឧត្តម វេង សាខុន រដ្នមន្ត្រីក្រសួងកសិកម្ម រុក្ខាប្រមាញ់ និង នេសាទ និង ឯកឧត្តម សុខ ពុទ្ធីវុធ សហប្រធានក្រុម ឈ បានដឹកនាំកិច្ចប្រជុំក្រុមការងារផ្នែកស្រូវអង្ករ ក្រុម ឈ

ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ចើញជាអធិបតីភាព ក្នុងពិធីប្រកាសដាក់ឲ្យដំណើរការ រចនាសម្ព័ន្ធថ្មី នៃរដ្នបាលស្រុកស្រីសន្ធរ

លោកជំទាវកិត្តិសង្គហបណ្ឌិត ម៉ែន សំអន អញ្ចើញជាអធិបតីភាព ដឹកនាំកិច្ចប្រជុំ និងការរៀបចំវេទិការសាធារណៈប្រចាំឆ្នាំ២០១៩ និងលើកទិសដៅឆ្នាំ២០២០ របស់ក្រុមការងារថ្នាក់ជាតិ ចុះជួយមូលដ្នានខេត្តស្វាយរៀង

ឯកឧត្តម រដ្នមន្ត្រី វេង សាខុន និង ឯកឧត្តមឧកញ៉ាបណ្ឌិត ម៉ុង ឬទ្ធី អញ្ចើញជាអធិបតីភាព ដឹកនាំកិច្ចប្រជុំក្រុមការងារ ជាមួយវិស័យឯកជនក្រុមការងារ ផ្នែកកសិកម្ម កសិ ឧស្សាហកម្ម ក្រុម ក

លោក ឡោ ចាន់លី អភិបាលស្រុកព្រៃឈរ អញ្ចើញជាអធិបតីភាព ក្នុងពិធីបុណ្យឆ្លងសមិទ្អិផលនានា នៅវត្តស្វាយទោង ក្នុងឃុំមៀន ស្រុកព្រៃឈរ ខេត្តកំពង់ចាម

លោកជំទាវកិត្តិសង្គហបណ្ឌិត ម៉ែន សំអន អញ្ចើញជាអធិបតីភាពក្នុង វេទិកាផ្សព្វផ្សាយយេនឌ័រ ក្រោមប្រធានបទ ស្ត្រីបង្វិលចង្ក្រានមិនជុំ នៅមជ្ឈមណ្ឌលកោះពេជ្រ

ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ចើញចូលរួមក្នុងកិច្ច ប្រជុំបូកសរុបការងារ គណបក្សនិងក្រុមការងារចុះជួយខេត្តកំពង់ចាម ប្រចាំឆ្នាំ២០១៩ និង លើកទិសដៅបន្តឆ្នាំ២០២០

ឯកឧត្តម ឧបនាយករដ្នមន្ត្រី កែ គឹម យ៉ាន ប្រធានក្រុមការងារ ថ្នាក់ជាតិ ចុះជួយខេត្តបន្ទាយមានជ័យ អញ្ចើញជាអធិបតីភាព ដឹកនាំកិច្ចប្រជុំផ្សព្វផ្សាយ ស្មារតី សន្និបាតគណៈកម្មាធិការកណ្ដាលលើកទី៤២ អាណត្តិទី៥

លោកជំទាវកិត្តិសង្គហបណ្ឌិត ម៉ែន សំអន អញ្ចើញក្នុងពិធីពុទ្ធបរិស័ទបុណ្យមាឃបូជា ស្ថិតនៅវត្តភ្នំព្រះរាជទ្រព្យ ភ្នំឥដ្ឋរឹស្ស ឬភ្នំឧត្តុង្គ ក្នុងស្រុកពញ្ញាឮ ខេត្តកណ្ដាល

ឯកឧត្តម រដ្នមន្ត្រី វេង សាខុន ប្រធានក្រុមកាងារថ្នាក់ជាតិចុះជួយ ស្រុកតំបែរ ខេត្តត្បូងឃ្មុំ ស្រុកកំពង់សៀម ស្រុកជើងព្រៃ ខេត្តកំពង់ចាម អញ្ចើញជាអធិបតីភាពដឹកនាំ វេទិការសាធារណៈជាមួយប្រជាពលរដ្ន នៅស្រុកតំបែរ ខេត្តត្បូងឃ្មុំ

ឯកឧត្តម ឧបនាយករដ្នមន្ត្រី កែ គឹម យ៉ាន និង លោកជំទាវ អញ្ចើញ ក្នុងពិធីពុទ្ឌបរិស័ទបុណ្យមាឃបូជា ស្ថិតនៅប្រាសាទបន្ទាយឆ្មារ ក្នុងស្រុកថ្មពួក ខេត្តបន្ទាយមានជ័យ

វីដែអូ

ចំនួនអ្នកទស្សនា

ថ្ងៃនេះ :
1040 នាក់
ម្សិលមិញ :
1662 នាក់
សប្តាហ៍នេះ :
10794 នាក់
សរុប :
1614245 នាក់