លោកឧត្តមសេនីយ៍ទោ សុក សំបូរ និងលោក អេរិក មេលឌ្រីម (Mr Eric Meldrum) បានអញ្ជើញជាអធិបតីក្នុងពិធីបើកវគ្គបណ្តុះបណ្តាល ស្តីពី យុទ្ធវិធីប្រតិបត្តិការនិងការបាញ់គ្រាប់ពិត ភ្នំពេញ ៖ នៅព្រឹកថ្ងៃទី១០ ខែមិថុនា ឆ្នាំ២០២៤ លោកឧត្តមសេនីយ៍ទោ សុក សំបូរ ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ជីវ ផល្លី អគ្គស្នងការរងនគរបាលជាតិ និងលោក អេរិក មេលឌ្រីម (Mr Eric Meldrum) នាយកគ្រប់គ្រងផ្នែកជួយសង្គ្រោះអេមស្វត បានអញ្ជើញជាអធិបតី ក្នុងពិធីបើកវគ្គបណ្តុះបណ្តាល ស្តីពី យុទ្ធវិធីប្រតិបត្តិការនិងការបាញ់គ្រាប់ពិត នៅអគ្គស្នងការដ្ឋាននគរបាលជាតិ។ជាកិច្ចចាប់ផ្តើម លោក អេរិក មេលឌ្រីម (Mr Eric Meldrum) នាយកគ្រប់គ្រងផ្នែកជួយសង្គ្រោះអេមស្វត បានសម្តែងនូវសេចក្តីសោមនស្សរីករាយជាខ្លាំង ដែលបានចូលរួមក្នុងការបើកវគ្គបណ្តុះបណ្តាលនេះ និងសូមថ្លែងអំណរគុណដល់លោកឧត្តមសេនីយ៍ទោ សុខ សំបូរ និងលោកឧត្តមសេនីយ៍ទោ ប៉ាក់ យូលាង ដែលតែងតែសម្របសម្រួលរៀបចំឲ្យមានវគ្គបណ្តុះបណ្តាលនេះឡើង និងសូមថ្លែងអំណរគុណយ៉ាងជ្រាលជ្រៅដល់លោកគ្រូឧទ្ទេសទាំងអស់ ដែលបានចំណាយទាំងពេលវេលា និងកម្លាំងកាយចិត្តរួមទាំងធនធាន មកបង្ហាត់បង្ហាញដល់អស់លោកឧត្តមសេនីយ៍ វរសេនីយ៍ អនុប្រធាននាយកដ្ឋាន នាយ-នាយរងការិយាល័យប្រឆាំងការជួញដូរមនុស្សនិងការពារអនីតិជននាពេលនេះ។លោក អេរិក មេលឌ្រីម (Mr Eric Meldrum) បានបន្តថា វគ្គបណ្តុះបណ្តាលនេះ គឺបាញ់គ្រាប់ពិតដោយអនុវត្តផ្ទាល់ ដូច្នេះលោកជឿជាក់ថា សិក្ខាកាមទាំងអស់ នឹងបានយល់ដឹងពីការចុះប្រតិបត្តិការអនុវត្តផ្ទាល់ ពិសេសការប្រមូលភស្តុតាង ការឆែកឆេរ និងការប្រើប្រាស់អាវុធ ព្រមទាំងការរៀបចំផែនការប្រកបដោយគុណភាពខ្ពស់ ហើយវគ្គបណ្តុះបណ្តាលនេះទៀតសោតនឹងអាចជួយឲ្យសិក្ខាកាម ចេះការពារខ្លួន ការពារជនរងគ្រោះ ការពារមិត្តរួមការងារប្រកបដោយប្រសិទ្ធភាពខ្ពស់ ជាពិសេសគឺបានផ្តល់នូវសុវត្ថិភាពទាំងអស់គ្នា។ លោកបន្តថា ប្រសិនបើមន្ត្រីនគរបាលចុះប្រតិបត្តិការប្រកបដោយក្រមសីលធម៌ខ្ពស់ ភាពថ្លៃថ្នូរ ធ្វើឲ្យសាធារណជនមើលឃើញថា មន្ត្រីនគរបាលធ្វើកិច្ចការប្រកបដោយវិជ្ជាជីវៈ ។លោកឧត្តមសេនីយ៍ទោ សុខ សំបូរ ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន បានមានប្រសាសន៍ប្រកបដោយសេចក្តីសោមនស្សរីករាយជាខ្លាំង ដែលបានសហការជាមួយអង្គការអេមស្វត ក្នុងការបើកវគ្គបណ្តុះបណ្តាល ស្តីពី យុទ្ធវិធីប្រតិបត្តិការ និងការបាញ់គ្រាប់ពិតនាពេលនេះ ហើយក៏សូមថ្លែងអំណរគុណដល់អង្គការអេមស្វត ជាពិសេស លោកគ្រូឧទ្ទេសទាំង៦រូប ដែលបានចំណាយទាំងពេលវេលា ទាំងធនធាន និងកម្លាំងកាយចិត្តមកបង្ហាត់បង្ហាញដល់មន្ត្រីនគរបាលប្រឆាំងការជួញដូរមនុស្ស និងការពារអនីតិជន ឲ្យមានការយល់ដឹងពីយុទ្ធវិធីប្រតិបត្តិការ និងការបាញ់គ្រាប់ពិត ពិសេសសិក្ខាកាមចេះការពារខ្លួន ការពារជនរងគ្រោះ ការពារកន្លែងកើតហេតុ និងការពារមិត្តរួមការងារឲ្យមានសុវត្ថិភាព។លោកឧត្តមសេនីយ៍ទោប្រធាននាយកដ្ឋាន បានសង្កត់ធ្ងន់ដល់សិក្ខាកាម សូមឲ្យយកចិត្តទុកដាក់ខ្ពស់បំផុត ក្នុងការសិក្សា ព្រោះថាវគ្គសិក្សានេះមានសារសំខាន់ណាស់ ដូច្នេះសូមត្រងត្រាប់ស្តាប់ដោយយកចិត្តទុកដាក់ និងជជីកសួរនាំដល់លោកគ្រូឧទ្ទេសទាំង៦រូប ក្នុងយុទ្ធវិធីប្រតិបត្តិការ និងការបាញ់គ្រាប់ពិត វិធីសាស្ត្រការពារខ្លួន ការពារជនរងគ្រោះ និងការពារកន្លែងកើតហេតុ ដើម្បីស៊ើបអង្កេតស្រាវជ្រាវរកភស្តុតាង ក្នុងការដាក់បន្ទុកទៅលើជនសង្ស័យឬជនល្មើស៕
ចំនួនអ្នកទស្សនា
ឯកឧត្តម ម៉ក់ ជីតូ រដ្នលេខាធិការក្រសួងមហាផ្ទៃ បានអញ្ចើញចូលរួមជូនដំណើរ ឯកឧត្តមអភិសន្តិបណ្ឌិត ស សុខា ដឹកនាំគណៈប្រតិភូ ជាន់ខ្ពស់ក្រសួងមហាផ្ទៃ អញ្ជើញបំពេញទស្សនកិច្ចការងារ នៅសាធារណរដ្ឋប្រជាមានិតចិន
លោកឧត្តមសេនីយ៍ទោ សុក សំបូរ បានអញ្ចើញចូលរួមជាមួយ ឯកឧត្តម ឧត្តមសេនីយ៍ឯក ជីវ ផល្លី អនុញ្ញាតជូនលោកស្រី JANELLE CANNING-LUE មន្រ្តីទំនាក់ទំនងកងរាជតម្រួតកាណាដា (RCMP) ចូលជួបសំដែងការគួរសម និងពិភាក្សាការងារ
ឯកឧត្តម វ៉ី សំណាង អភិបាលខេត្តតាកែវ បានដឹកនាំគណៈប្រតិភូខេត្តតាកែវ អញ្ជើញចូលរួមគោរពវិញ្ញាណក្ខន្ធ សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល
ឯកឧត្ដម អ៊ុន ចាន់ដា អភិបាលខេត្តកំពង់ចាម បានអញ្ចើញបេីកវេទិកា សាធារណៈ នៅសង្កាត់វាលវង់ ដើម្បីដោះស្រាយ បញ្ហាប្រឈម និងតម្រូវការ របស់ប្រជាពលរដ្ឋ
ឯកឧត្តម គួច ចំរើន អភិបាលខេត្តកណ្ដាល បានដឹកនាំប្រតិភូរដ្ឋបាលខេត្តកណ្តាល អញ្ជើញចូលរួមគោរពវិញ្ញាណក្ខន្ធសព សម្ដេចចៅហ្វាវាំង វររៀងជ័យ អធិបតីស្រឹង្គារ គង់ សំអុល
ឯកឧត្តម នាយឧត្ដមសេនីយ៍ សៅ សុខា បានដឹកនាំប្រតិភូ កងរាជអាវុធហត្ថលើផ្ទៃប្រទេស អញ្ជើញដាក់កម្រងផ្កា និងគោរពវិញ្ញាណក្ខន្ធសព សម្តេចចៅហ្វាវាំង គង់ សំអុល
លោកឧត្តមសេនីយ៍ត្រី ឡាក់ ម៉េងធី ស្នងការរងនគរបាលខេត្តកណ្ដាល បានអញ្ចើញចូលរួមកិច្ចប្រជុំ បូកសរុបលទ្ធផលការងារ ប្រចាំខែសីហា និងលើកទិសដៅការងារ បន្តសម្រាប់ខែកញ្ញា ឆ្នាំ២០២៤ របស់រដ្ឋបាលខេត្តកណ្តាល
ឯកឧត្តម គួច ចំរើន អភិបាលខេត្តកណ្ដាល ដាក់បទបញ្ជាថ្មី ឱ្យគណៈបញ្ជាការឯកភាពគ្រប់ថ្នាក់ បន្តបង្ក្រាបបទល្មើសគ្រឿងញៀន ល្បែងស៊ីសង ក្មេងទំនើង គ្រោះថ្នាក់ចរាចរណ៍ និងលុបបំបាត់ ការប្រើប្រាស់ អាវុធខុសច្បាប់ កុំឱ្យកើតមាននៅមូលដ្ឋាន
សម្តេចមហាបវរធិបតី ហ៊ុន ម៉ាណែត អញ្ចើញជាអធិបតីភាពដ៏ខ្ពង់ខ្ពស់ ដឹកនាំប្រជុំត្រួតពិនិត្យ វឌ្ឍនភាពការងារ របស់គណៈកម្មាធិការពិសេស ដើម្បីជំរុញ ការរៀបចំ និងការអនុវត្ត គម្រោងព្រែកជីហ្វូណនតេជោ
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី បានអញ្ជើញអមដំណើរសម្តេចមហាបវរធិបតី ហ៊ុន ម៉ាណែត អញ្ជើញចូលរួមដាក់កម្រងផ្កា គោរពវិញ្ញាណក្ខន្ធសព សម្តេចចៅហ្វាវាំង គង់ សំអុល
លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បានអញ្ជើញដឹកនាំត្រួតពិនិត្យកងកម្លាំង និងផ្សព្វផ្សាយអំពីល្បិចកល់ ក្រុមជ្រុលនិយម មានចេតនាបំផ្លាញ សុខសន្តិភាព បំភ្លៃព័ត៌មាន និងបង្កើតព័ត៌មានក្លែងក្លាយ ពាក់ព័ន្ធកិច្ចសហប្រតិបត្តិការ អភិវឌ្ឍន៍តំបន់ត្រីកោណ CLV-DTA
សម្តេចកិត្តិសង្គហបណ្ឌិត ម៉ែន សំអន បានដឹកនាំប្រតិភូ អញ្ជើញដាក់កម្រងផ្កា និងគោរពវិញ្ញាណក្ខន្ធសព សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល
សម្តេចមហាបវរធិបតី ហ៊ុន ម៉ាណែត បានអញ្ជើញដឹកនាំសមាជិក សមាជិការាជរដ្ឋាភិបាល ដាក់កម្រងផ្កា និងគោរពវិញ្ញាណក្ខន្ធសព សម្តេចចៅហ្វាវាំង គង់ សំអុល
ឯកឧត្តម ឧបនាយករដ្នមន្ត្រី សាយ សំអាល់ បានអញ្ចើញជាអធិបតីភាព ក្នុងពិធីបិទសិក្ខាសាលា ស្តីពីបទពិសោធន៍ នៃការរៀបចំទីក្រុង និងលំនៅឋាននៅកម្ពុជា និងហុងកុង
ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងឯកឧត្តម ស៊ីវ រុន ប្រធានក្រុមប្រឹក្សាខេត្ត បានអញ្ចើញដឹកនាំសហការី ចូលរួមគោរពវិញ្ញាណក្ខន្ធ សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល
ឯកឧត្តម ឧត្តមនាវីឯក ទៀ សុខា មេបញ្ជាការរងកងទ័ពជើងទឹក បានអញ្ចើញចូលរួមក្នុងពិធីជប់លៀងលើកប៉ាល់ HMAS Perth នៅកំពង់ផែស្វយ័តក្រុងព្រះសីហនុ
ឯកឧត្ដម ឧត្ដមសេនីយ៍ឯក ជីវ ផល្លី និងលោកឧត្តមសេនីយ៍ទោ សុក សំបូរ បានអញ្ចើញដឹកនាំកិច្ចប្រជុំ ពិនិត្យសេចក្តីព្រាង នីតិវិធីប្រតិបត្តិស្តង់ដារ រវាងអគ្គស្នងការដ្ឋាននគរបាលជាតិ (CNP) និងនាយកដ្ឋាន ស៊ើបអង្កេតពិសេស (DSI) ក្រសួងយុត្តិធម៌ នៃព្រះរាជាណាចក្រកម្ពុជាថៃ
ឯកឧត្តម ប៉ា សុជាតិវង្ស ផ្ញើសារលិខិតរំលែកមរណទុក្ខ ផ្ញើជូន លោកជំទាវ ឧកញ៉ាធម្មាមង្គលមុនី ថាយ វ៉ា គង់សំអុល ចំពោះមរណភាព របស់ សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល
សម្ដេចមហាបវរធិបតី ហ៊ុន ម៉ាណែត ផ្ញើសារលិខិតរំលែកមរណទុក្ខ ជូនលោកជំទាវឧកញ៉ាធម្មាមង្គលមុនី ថាយ វ៉ា គង់ សំអុល ចំពោះមរណភាព របស់សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី ផ្ញើសារលិខិតរំលែកមរណទុក្ខ ផ្ញើជូន លោកជំទាវឧកញ៉ាធម្មាមង្គលមុនី ថាយ វ៉ា គង់ សំអុល ចំពោះមរណភាព របស់សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល