ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា (ប.ភ.យ.ក.) បានអញ្ជើញដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការ របស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ================បណ្ឌិត្យសភាភូមិន្ទយុត្តិធម៌កម្ពុជា៖ នារសៀលថ្ងៃសុក្រ ១៣រោច ខែស្រាពណ៌ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែសីហា ឆ្នាំ២០២៥ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា បានអញ្ជើញដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា។ កិច្ចប្រជុំនេះក៏មានការអញ្ជើញចូលរួមពីសំណាក់ ឯកឧត្តម លោកជំទាវ ជាអនុប្រធាន និងសមាជិក នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ព្រមទាំងថ្នាក់ដឹកនាំ និងមន្រ្តីរាជការ នៃបណ្ឌិត្យសភាភូមិន្ទយុត្តិធម៌កម្ពុជា និងតំណាងអង្គភាពប្រឆាំងអំពើពុករលួយ (ACU) ផងដែរ។កិច្ចប្រជុំនេះត្រូវបានរៀបចំដើម្បីពិនិត្យ ពិភាក្សា និងអនុម័តលើរបៀបវារៈចំនួន ៤ រួមមាន៖ (១)-ពិនិត្យមើលលើសេចក្ដីរាយការណ៍អំពីលទ្ធផលនៃកិច្ចដំណើរការរបស់ ប.ភ.យ.ក.។ (២)-ពិនិត្យ ពិភាក្សា និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សចៅក្រម និងសិស្សព្រះរាជអាជ្ញា ជំនាន់ទី១៣, សិស្សក្រឡាបញ្ជី ជំនាន់ទី១០, សិស្សអាជ្ញាសាលា ជំនាន់ទី៤ និង សិស្សសារការី ជំនាន់ទី៥។ (៣)-ពិនិត្យ ពិភាក្សា និងអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក.។ (៤)-ពិនិត្យ និងពិភាក្សាលើលក្ខណវិនិច្ឆ័យ និងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក.។ក្នុងកិច្ចប្រជុំនេះ, ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា បានសង្កត់ធ្ងន់លើការលើកកម្ពស់គុណភាព និងប្រសិទ្ធភាពនៃការបណ្ដុះបណ្ដាលនៅបណ្ឌិត្យសភាភូមិន្ទយុត្តិធម៌កម្ពុជា និងការរៀបចំការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ប្រកបដោយតម្លាភាព សុក្រឹតភាព ភាពត្រឹមត្រូវ និងយុត្តិធម៌។
ចំនួនអ្នកទស្សនា
សម្ដេចកិត្តិសង្គហបណ្ឌិត ម៉ែន សំអន សមាជិករដ្ឋសភា និងជាតំណាងរាស្ត្រមណ្ឌលស្វាយរៀង អញ្ជើញចូលរួមបន្តសម័យប្រជុំរដ្ឋសភាលើកទី៤ នីតិកាលទី៧ នៅវិមានរដ្នសភា
ឯកឧត្តម កើត ឆែ អភិបាលរងរាជធានីភ្នំពេញ អញ្ចើញចូលរួមជាអធិបតីក្នុងកិច្ចប្រជុំ ស្តីពីការរៀបចំវិធានការ ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៨ សីហា ២០២៥ ធ្វើយ៉ាងណាឱ្យការប្រឡង ប្រព្រឹត្តទៅដោយរលូន
ឯកឧត្ដមសន្តិបណ្ឌិត សុខ ផល ប្រធានក្រុមការងាររាជរដ្នាភិបាលចុះជួយមូលដ្នានស្រុកបាណន់ អញ្ចើញជាអធិបតីភាពដ៏ខ្ពង់ខ្ពស់ ក្នុងពិធីសម្ភោធដាក់អោយប្រើប្រាស់ មជ្ឈមណ្ឌលបណ្ដុះបណ្ដាលកុំព្យូទ័រ ដោយឥតបង់ថ្លៃ នៅឃុំតាគ្រាម ស្រុកបាណន់
ពលរដ្ឋភៀសសឹក និងពលករ ៦៣២គ្រួសារ នៅស្រុកស្ទឹងត្រង់ និងស្រុកចំការលើ ទទួលបានអំណោយដ៏ថ្លៃថ្លារបស់សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត
ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទេយ្យវត្ថុដល់វត្តចំនួន៥ និងចែកអំណោយ ជូនប្រជាពលរដ្ឋចំនួន ៥០០គ្រួសារ នៅខេត្តស្វាយរៀង
ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាល គណបក្សប្រជាជនកម្ពុជា បានអំពាវនាវឱ្យប្រជាពលរដ្ឋបន្តស្តាប់តាមការណែនាំរបស់ប្រមុខរាជរដ្ឋាភិបាល ក្នុងការរក្សាភាពចាស់ទុំ និងអត់ធ្មត់ខ្ពស់ ចំពោះបញ្ហាព្រំដែនកម្ពុជា-ថៃ
ឯកឧត្តមកិត្តិសង្គហបណ្ឌិត គន់ គីម អញ្ចើញចុះពិនិត្យការរស់នៅ និងជីវភាពអតីតយុទ្ធជន នៅភូមិប៊ុនរ៉ានីសែនជ័យ ដំណាក់ទ្រយឹង ក្នុងស្រុកភ្នំក្រវាញ ខេត្តពោធិ៍សាត់
ឯកឧត្តម កើត ឆែ អភិបាលរងរាជធានីភ្នំពេញ ប្រធានអនុគណៈកម្មការកណ្តាល អញ្ចើញចូលរួមក្នុងកិច្ចប្រជុំណែនាំដល់អនុគណៈកម្មការ និងក្រុមការងាររៀបចំការរឡង ដើម្បីជ្រើសរើស បេក្ខជនឱ្យចូលបម្រើការងារ នៅក្នុងក្របខ័ណ្ឌមន្ត្រីពន្ធនាគារ ក្រសួងមហាផ្ទៃ សម្រាប់ឆ្នាំ២០២៥
លោក ប៊ិន ឡាដា ប្រធានគណ:កម្មាធិការគណបក្សស្រុកស្រីសន្ធរ បានអញ្ចើញជាអធិបតីដឹកនាំកិច្ចប្រជុំ បូកសរុបការងារគណបក្សប្រចាំខែសីហា និងទិសដៅភារកិច្ចខែកញ្ញា ឆ្នាំ២០២៥ នៅសាលប្រជុំគណបក្សស្រុកស្រីសន្ធរ
ឯកឧត្ដម ឆាយ វណ្ណា ឯកឧត្ដម លី សារី ឯកឧត្ដម ស្លេះ ពុនយ៉ាមុីន លោកជំទាវ ម៉ាណ ណាវី និងឯកឧត្តម សាន់ ឡាទីន អញ្ជើញចូលរួមពិធីទទួលទានតែសាមគ្គី Hight Tea នៅស្ថានទូតម៉ាឡេស៊ីប្រចាំកម្ពុជា
លោក ហេង វុទ្ធី ប្រធានក្រុមការងារចុះជួយមូលដ្ឋានឃុំទួលសំបួរ និងឃុំអារក្សត្នោត ស្រុកស្ទឹងត្រង់ អញ្ចើញដឹកនាំក្រុមការងារ ចុះជួបសំណេះសំណាល សាកសួរសុខទុក្ខក្រុមគ្រួសារកងទ័ពនៅសមរភូមិមុខ និងជាសមាជិកគណបក្សប្រជាជនកម្ពុជា នៅក្នុងឃុំអារក្សត្នោត
ពិធីប្រកាសបំពេញបន្ថែម អនុប្រធានគណបក្សប្រជាជនកម្ពុជា ស្រុកជើងព្រៃ ក្រោមអធិបតីឯកឧត្តម ស្រី សុភ័ក្ដ្រ អនុប្រធានគណៈកម្មាធិការគណបក្សខេត្តកំពង់ចាម
លោកជំទាវ ឃួន ឃុនឌី និងលោកជំទាវ ម៉ាណ ណាវី អញ្ជើញជួបសំណេះសំណាល និងនាំយកចង្ក្រានសន្សំសំចៃថាមពល និងសារុង ចែកជូនប្រជាពលរដ្ឋ នៅក្នុងស្រុកបារាយណ៍ ខេត្តកំពង់ធំ
លោកជំទាវអ្នកឧកញ៉ា ម៉ៅ ចំណាន គិត ម៉េង អញ្ចើញដឹកនាំសិល្បករ និងថ្នាក់ដឹកនាំក្រុមហ៊ុន រ៉ូយ៉ាល់ គ្រុប ជួបសួរសុខទុក្ខវីរកងទ័ព កំពុងព្យាបាលរបួស ពីសង្គ្រាមឈ្លានពានរបស់សៀម នៅមន្ទីរពេទ្យបង្អែកខេត្តសៀមរាប
លោកជំទាវអ្នកឧកញ៉ា ម៉ៅ ចំណាន គិតម៉េង អញ្ចើញបន្តដឹកនាំសិល្បករ និងថ្នាក់ដឹកនាំក្រុមហ៊ុន រ៉ូយ៉ាល់ គ្រុប ជួបសួរសុខទុក្ខវីរកងទ័ព កំពុងព្យាបាលរបួស នៅមន្ទីរយោធភូមិភាគទី៤
លោកជំទាវអ្នកឧកញ៉ា ម៉ៅ ចំណាន គិត ម៉េង អញ្ចើញចុះសួរសុខទុក្ខ និងប្រគល់អំណោយមូលនិធិទ្រទ្រង់ជនភៀសសឹក ជូនដល់គ្រួសារកងទ័ព និងជនភៀសសឹក នៅស្រុកស្រីស្នំ ខេត្តសៀមរាប
អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា អញ្ចើញចុះហត្ថលេខា លើសេចក្តីប្រកាស កិច្ចសហប្រតិបត្តិរួម ជាមួយប្រធានសភាពាណិជ្ជកម្មចិនម៉ាឡេស៊ី ដើម្បីបង្កើតក្របខណ្ឌផ្លូវការ នៃសភាពាណិជ្ជកម្មទាំងពីរ ក្នុងការជំរុញពាណិជ្ជកម្ម និងវិនិយោគ រវាងកម្ពុជានិងម៉ាឡេស៊ី
អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានជម្រាបជូនគណៈប្រតិភូ សភាពាណិជ្ជកម្មចិនម៉ាឡេស៊ី អំពីកំណើនសេដ្ឋកិច្ចកម្ពុជា និងគោលដៅកម្ពុជា ក្នុងការសម្រេចនូវទស្សនវិស័យ ក្លាយជាប្រទេសមានចំណូលខ្ពស់ត្រឹមឆ្នាំ២០៥០
សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុនី ហ៊ុន ម៉ាណែត អញ្ជើញថ្វាយព្រះរាជដំណើរព្រះមហាក្សត្រ និងសម្តេចម៉ែ យាងទៅទីក្រុងប៉េកាំង ប្រទេសចិន ដើម្បីពិនិត្យព្រះរាជសុខភាព
ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អញ្ជើញជាអធិបតីក្នុងពិធី បញ្ចុះបឋមសិលាសាងសង់ផ្ទះ ជូនអតីតយុទ្ធជន ស្រុកគាស់ក្រឡ ខេត្តបាត់ដំបង